James 1:26 - Sumi Naga CL (Re-edited) Bible (BSI)

²⁶ Khuana no pa ye achineye lo amlokütsümie pi kümsü cheni mu pa mili ghasümo aye, pa ye pa ampi pishiqhi ani, eno pa chineye ye ame kühae.

BAIBEL (BSI)

²⁶ Timi khuno paye achineyehlo amlo tsuqhiyikemi kepi kumsu cheni ikemu pa mili ghasumo nikeno pa chineyehye avehupu kuhae eno pa likhi pa pishiqhi anike.

Sümi Tiqhelimi Bible

²⁶ Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

James 1:26 Referans Kwoze

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

LESHELE 141:3

I kichi khekuto tsülo, O Ampeu; I mütsü kikha jukuto tsülo!

1 Peter 3:10

Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

Ephesiami 5:4

Tike kumono alhoksa tsa, mbomzü eno ghapha ghale tsa ye nongu ghenguno aküzüpu kumoe, tishinike züqhulo shikimthi tsüalo.

AHOLE 19:1

Kumlhomi shino akikhi shi akeu no anikha shino kimkimi shi akeu nguno akiviue.

LESHELE 34:13

Alhoksa lono nongu mili eno pishikiqhi tsapi lono nongu kichi süchile luvelo.

AHOLE 10:31

Amikuchomi kichi lono alokütsü tsa ipeghi cheni, ikemu atsa tuchighive chekeu mili ye kütsave tsü nani.

AHOLE 10:19

Kughou no chilo atsa piuva keno, axine ye kupukunoae, ikemu lotsü-loghümi no amili kütsü ithi cheni.

Kolosiami 4:6

Pülhapuju nongu tsapi lo küpüqhiyi eno jumghai shilo, tishianguno timi lakhikhi lau kishi khochile kepu keno nongu no ithi nani.

James 1:22

Atsa chikulu likhi shive no nongu ampi pishiqhi kevi, ikemu atsa tho akümlami shilo.

James 1:19

I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,

AHOLE 16:25

Khami müzülo alaghi khikhino achipi kepi kümsü ani keno ashekha loye tino akithipu laghi shi aghive cheni.

Luke 8:18

Tighenguno nongu ye kishi chilu cheni keno tsaqüi shilo, kughengu khuu no aghini keno alau shi tsü nani, eno khuu no aghi moni keno, pa no kiu anie pi kümsü cheni keno, tiu ghi luve tsü nani.”

Galatiami 6:3

Kughengu timi lakhino pa ye kiumu kumomu kiuala kepi kümsü aye, pa ye pa ampi pishiqhi anie.

AHOLE 14:12

Alaghi khikhino achipi kepi kümsü ani keno ashekha loye tino akithipu laghi shi aghive cheni.

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

Galatiami 2:6

Ikemu khunono akhotomi ipi kihiche keno (panongu no kiu kiu shi aghimu I ghengu ye kiumu tipaqo kimhe akepu kühae; Alhou ye agiju chemoe) I no pi anike akhotomi ipi chekeqo ye I ghenguno ame kühae.

Mark 7:7

panongu no adou lono I mlla cheni, timi zakütsü pesü akülü tsa kuchoue pi shika cheni.’

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

AHOLE 21:26

Puchopuju pa ye mineqhiyi keu likhi ikemu amikuchomi ye süchile mono tsü cheni.

1 Kor. 15:2

Nongu no adou lono pülü püaghimo aye, I no nongu kütsü piyekeu tsa nongu no mtotoi tsüqülu keu lono nongu xalu nani.

MATTHEW 15:9

Panongu ye abokümsa I mlla, timi no mlakeu yezah pesü Alhou yezah toi shika cheni.’”

MALAKI 3:14

Nongu no pi, ‘Ampeu qe akeu ye adoue. Pa za pape momu qanimlo Ampeu zülo chewu keu lo kiu ala ani kea?

ISAIAH 1:13

Adou kümllagho süghi kevilo; axokütsüngü ye I ghenguno aphikümqhüpue. Aqhi kithe, Sabbath eno aqoaho hekükütsü, alhoksa eno aqo hoho hipaqo Ni ye kutuu mlae.

1 Kor. 15:15

Tinguno alau ningu ye Alhouw kichile thopimi shiauvae, kughengu kithimi xüputhu mlae pikeu no kuchou shiaghi aye, Alhou no Khristo xüputhumo namu ningu ye Pa no Khristo xüputhu kepi ashepe shike.

AHOLE 16:10

Akükau ye müzüküsü tsa piqhi cheni, pa kichi loye küghakütha tsa pive no axine shichemoe.

AHOLE 15:2

Alokütsümi mili no akighithi she petsü cheni, ikemu mbomzümi kichi lono aghüzü tsa puqule cheni.

LESHELE 32:9

Khurshi momu khurgha vethakulu küha keqo toi kevilo, tipaqo ye ivünhei peniye akichi küptapu ngo akighi no tsüghape acheni, tishimo aye o kupunu ngomo ake.

James 2:20

No aghüzüu, akümla sümo kelo aküpülü ye ameküha kepi o piye penishi ani kea?

Galatiami 3:4

Nongu no adou lono ime püaghi aye, kuchou no nongu ghime ye ame kühave akeshea?

Galatiami 2:9

kughou James ngo Cephas eno John, atsükuchoqo ipiche keqo no I lau küpükini tsü püakeu vethalu keno, panongu no Barnabas nikujo ikhilu eno ningu lakhi kepi sasü kuposhu, ikehu ningu no aphighü yiko ghamo kemi Jewkumomi lau wunikeu shi eno panongu no aphighü yiko ghave kemi lau wunikeu shie.

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

JOB 15:13

Kushiye o xuide ghi Alhou mjochile eno o kichi lono tipa tsa piphe ani kea?

JOB 30:11

Alhou no I kughuchove no I sünheqhive akehu panongu ye I zülo süchile keu kiumu kühavae.