James 1:25 - Sumi Naga CL (Re-edited) Bible (BSI)

²⁵ Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

BAIBEL (BSI)

²⁵ Ikemu khunono timi kuqhophelu chekeu yezah ti viwotolukeu yezahlo jusuni eno khuno tipau kumsukutoju cheni keno, paye inike likhi ini puzu kumsumavekemi kumoe ikemu paye akumla shikichekemi ke. Timi tipanoye pano mlaithakeulo Alhou no kumghatsu cheni.

Sümi Tiqhelimi Bible

²⁵ Ikemu khuno no kupukülai keu yeza khikhi kuqhokiphe tsü cheni keno tipau lo amlotsüqhiyi ju eno tipau lo tamo no kümsükutoju—panongu no kiu chilu keno kümsümamo no tipau shini keno—panongu ye panongu no kiu mülà keno tipau lo mügha nani.

James 1:25 Referans Kwoze

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

John 13:17

Nongu no hipaqo ithi no papelu aye nongu kümghapue.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

James 2:12

Tighenguno kuqhokiphe yezah qholono küghatha beniye akemi kimshi atsa toi akümla ghi shilo.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

2 Kor. 13:5

Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

Rommi 11:22

Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

AHOLE 14:15

Itikütüpa kemi ye chikulu kümtsü pülü cheni ikemu kümsükulumi ye pa pukhune kümtsü chheju cheni.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

John 8:36

Ikehu Anu no nongu khaqhiphe aye, nongu ye kuchou no kuqho phevae.

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

1 Tim. 2:15

Ikeghi totimi no aghibiu lono aküpülü, kikimiye, eno akimtheshi xü aye, panongu ye atianuli punu keu vecheo xaluve nani.

Rommi 7:12

Ikehu, Ayezah eno azakütsü ye akimthe, achipi eno akivie.

Apostolmi 26:22

Ishi tsala kutolo, ni ye Alhou launo ighikeu kukuphu ithulu kehu hile puthugho no kijemi kitilami lau ala süküpha mono tungkupmi ngo Moses no shinanie pi püakeu likhi ashepe tsü ani:

Apostolmi 13:43

Sinagog lo ahoho ixave kethiu Jewmi ngo Jewmi chineye luve kemi kutomo no Paul ngo Barnabas pama pape wuve, eno pama no panongu pütsa no Alhouw küpükini lo xüche lopi shikumto tsü.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

LESHELE 119:45

eno ni ye kuqhophe keu laghi lo ililai cheche nani, kughengu ni ye O kükütsütsa phuluvae.

LESHELE 119:32

Kughou Nono I mlo shikuloghi tsüni keno, I no O zakütsüqo laghi lo cheche nani!

SAMUEL ATUGHIU 12:14

Tsala nongu no Ampeu sümsa eno Pa huthu, Pa tsa gholu eno Pa zakütsü hebidemo, tsala nongu eno nongu shou ayepe akeu akükau no Ampeu nongu Lhou pape aye nongu kivipu shinani.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

1 John 2:24

Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Rommi 2:13

Kughengu Alhou zülo ye Ayezah chikulumi no kumono pekupulu kemiu no achipikalu nani.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

Galatiami 6:2

Lakhino lakhi makho putsü kilelo, tishikeu lono Khristo yezah shikupu tsülo.