James 1:19 - Sumi Naga CL (Re-edited) Bible (BSI)

¹⁹ I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,

BAIBEL (BSI)

¹⁹ Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

Sümi Tiqhelimi Bible

¹⁹ I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

James 1:19 Referans Kwoze

AHOLE 17:27

Khunono akighithi ani keno atsa süchile ithi cheni, eno vethakulumi no alikhi aghasülu cheni.

AHOLE 21:23

Khunono akichi ngo amili kütsü kiyi cheni keno aküküpna lono pojolu cheni.

AHOLE 14:29

Asheshi no amloide kemi ye vethakulu shishe ani, ikemu sü-i khavi amloide kemi ye anikha piye cheni.

AHOLE 10:19

Kughou no chilo atsa piuva keno, axine ye kupukunoae, ikemu lotsü-loghümi no amili kütsü ithi cheni.

AHOLE 18:13

Khuana no chilu mphi züuno khochileve aye, ti ye pa nikha eno akukujopu ke.

AHOLE 13:3

Khunono akichi kütsü kiyi keno aküxü msape qhi ani, akichi mkupe zale chekemi ye kütsave nani.

AHOLE 16:32

Asheshino amloide chekemi no aghütomi nguno akiviue, alikhi aghasülu keu no aphughi lelu keu nguno akiviue.

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

AHOLE 15:18

Aji kumqhomi no mtomshu keu huthuphe cheni, ikemu asheshino amloide kemi no küghüqü tsü cheni.

Kolosiami 3:8

Ikemu itehi nongu ye amlo kighide, aloghu, axeküsü, piküptha, eno nongu kichi lono atsa lhoksa, hi kümtsü pheve masae.

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

AHOLE 18:21

Akithi eno aküxü ye amili küka shou ani, ti peitha chekemi no kivi-küsa kiqi lono axathi xochu nani.

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.

AHOLE 19:11

Kümsükulu no timi pelo asheshi no amloidepe cheni, eno timi kipimi juzüve tsükeu no agigihupu ke.

AHOLE 15:2

Alokütsümi mili no akighithi she petsü cheni, ikemu mbomzümi kichi lono aghüzü tsa puqule cheni.

AHOLE 25:28

Alikhi aghasümla kemi ye aliwo hepho ilo aphughi leluveke toike.

AHOLE 14:17

Amloide kalo kemi ye anikha kümla shiuve cheni, alhoksa kuchughu chekemi ye timi kimthibo ke.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

AHOLE 17:14

Mtomshu thuve aye azü khetha püakeu poleve ake toi, tighenguno mtomshu mphi lono ti lakha luvelo.

James 1:26

Khuana no pa ye achineye lo amlokütsümie pi kümsü cheni mu pa mili ghasümo aye, pa ye pa ampi pishiqhi ani, eno pa chineye ye ame kühae.

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Luke 19:48

ikemu aqokitikhi no pa tsa phemono ini kimighe akehu panongu ye kiumu shimla no ae.

Mark 2:2

Ikelo timi kutomo ighi kumqo luve keu lono a-a kitila mu kühave no ahukikha lou ghi kikiyi kuchope ngove, Jisü no panoqo vilo Alhou tsa piae.

AHOLE 19:19

Aji kumqhomi ye pa xukighide lame lochile masa nani, nono pa xaphe aye no ye akiniu ghi tishi masa nani.

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

Luke 15:1

Ghuthu lakhi zame küqhami ngo Ayezah heküxami kümtsü no Jisü kupunu ighia.

NEHEMIA 9:3

Panongu no puthughope ayikihedo küthü kutolo panongu Mpeu Alhou Yezah phisü; eno itaghi ayi kihedo küthü panongu xine piphe no Ampeu Alhou mllae.

1 John 2:21

Nongu no kuchou ithi moke ghenguno kumoe, ikemu ithi ani kehu, eno akimki ye kuchou launo ighi chemo kehu ni ye nongu lau hipau yelu ani.

Apostolmi 13:48

Jewkumomi no hi chilu no alokivi shi Ampeu tsa sheqhe thuve, eno lhokta küxü lo kishesü luve kemi no pülü luve.

Mark 12:37

David ampi no pa vilo Ampeu ipiche ke kishino pa ye pa nue pini kea?” Aqokitikhi no amlo kiqishi ti chiluve.

NEHEMIA 8:18

Tsalakipetsü atüghüu tsala lono ashekha kutolo pa no Alhou Yezah kaku lono phisü. Panongu no apusho ghulhu atsala tsüni kutolo ikhilu eno akütacheni ye azah tsü püake toi, mishi no kumqolu.

AKIKIHI 22:27

Khurha no kungumi ithulu püzü iqi ihozüve. Balaam ye amloideve no pa küsü pesü khurha ghaqhi thuve.

AHOLE 29:20

Nongu ye khuana chokilhe shi atsa piqhive chekemi ithi anio? Mbomzümiu no pa nguno alau lajupu auvae.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

James 1:16

I qhuu athiküzümiqo, nongu pishiqhivepe kevilo.

James 2:1

I thiküzümiqo, nongu no ni Mpeu Jisü Khristo, ajuküvü Mpeu lau aküpülü tsüqüpe akelo khilemu agiju kevilo.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

James 3:10

Akichi lakhi lono kükümgha ngo ghukusho ipeghi cheni. I thiküzümiqo, hitoi keu ye shikepu kumoe.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 5:12

Ikemu I thiküzümiqo, kümtsü nguno alauno nongu ye kungugha, ayeghi, momu kiu kiumu pesü tushoqhi kevilo. Nongu ye “iyei” ipi aye iyei pilo eno “moe” ipi aye “Moe” pilo, tishianguno nongu shou küghathabe monani.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,

JOB 32:16

Panongu no kiumu khochilemo eno inaqhoi auve akeke imaye ni ye khe auveni keshea?