James 1:16 - Sumi Naga CL (Re-edited) Bible (BSI)

¹⁶ I qhuu athiküzümiqo, nongu pishiqhivepe kevilo.

BAIBEL (BSI)

¹⁶ Ino kimiyechekemi athikuzumiqo, nongu pishiqhivepe kevilo.

Sümi Tiqhelimi Bible

¹⁶ I no kimiye chekemi athiküzümi eno achelimiqo, nongu pishiqhive pe kevilo.

James 1:16 Referans Kwoze

James 1:19

I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

IBRIMI 13:1

Athiküzümi dolo kimiye kile ketoi kimiyelo.

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

2 Tim. 2:18

Pama no xüchilekulu ye hechevae pi püzü kuchou laghi lono tsüghüsü wuvae. Tino timi khami küpülü shipüsa tsü ani.

FILIPIAMI 4:1

Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

Mark 12:27

Pa ye kithimi Lhou ke kumoe, ikemu küxümi Lhou ke. Nongu ye aloqhi küqü ani.”

Mark 12:24

Jisü no panoqo khochile, “Nongu no Kuchoyesü na Alhou küka namu ithi chemo kehu hi ghenguno nongu ye küqü anike kumo?

MATTHEW 22:29

Ikemu Jisü no panongu khochile, “Nongu ye pimi ani, kughengu nongu ye Kuchoyesü na Alhou küka namu mthae.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

James 2:1

I thiküzümiqo, nongu no ni Mpeu Jisü Khristo, ajuküvü Mpeu lau aküpülü tsüqüpe akelo khilemu agiju kevilo.

James 2:14

I thiküzümiqo, milakhi no pa ye aküpülü anie pi aghimu akümla küha aye kiu akivi ani kea? Aküpülü tipau ye pa xalu nani keshea?

James 3:1

I thiküzümiqo, nongu kutomo no shikükami shikepu kumoe, kughengu nongu no ithi anike ningu khunoqo no shika cheni keno, ningu shou pachi küghathabe nani.

James 3:10

Akichi lakhi lono kükümgha ngo ghukusho ipeghi cheni. I thiküzümiqo, hitoi keu ye shikepu kumoe.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 5:12

Ikemu I thiküzümiqo, kümtsü nguno alauno nongu ye kungugha, ayeghi, momu kiu kiumu pesü tushoqhi kevilo. Nongu ye “iyei” ipi aye iyei pilo eno “moe” ipi aye “Moe” pilo, tishianguno nongu shou küghathabe monani.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,