James 1:12 - Sumi Naga CL (Re-edited) Bible (BSI)

¹² Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

BAIBEL (BSI)

¹² Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

Sümi Tiqhelimi Bible

¹² Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

James 1:12 Referans Kwoze

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

1 Kor. 9:25

Aghilimi kümtsü no thokha lo alikhi ampi ghasü cheni. Panongu ye pepushu moni keu kütsükuqho ithuluni ye hi shicheni, ikemu ningu ye püha moni keu saxü ithulu niye ke.

1 Peter 3:14

Ikemu nongu no achipiu-mikucho ghenguno imeve kepushi namu nongu kümghapu shinani. Tipaqo msaichi kevi momu jupe amlosa kevilo,

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

ZAKINIU 13:3

nongu ye tungkupu momu asamo pumo kicheu tipau tsa ini moni. Kughengu nongu ye amlo kuchopu eno angulho kuchopu pesü Ampeu nongu Lhou kimiye ani kemo keno ithini ke Ampeu nongu Lhou no nongu peju ani.

IBRIMI 10:32

Ikemu wovekeu ghuloki lo nongu no aküvü ithuluve kethiu kishi kutuokutuu aghime kitikhi puqhe keno kümsü julo,

LESHELE 119:71

I ghimeqhi keu ye I ghenguno akivi ke, tishikeu lono I pelo O kükütsüqo papelu peniye ke.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

LESHELE 119:67

Nono I ghime mphilo ni ye alaghi vepimive ke, ikemu itehi ni ye O tsa pape cheni.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

IBRIMI 11:17

Aküpülü lono Abraham ye pa peju kelo, pa nu Isaac pesü mlla, Alhouw pikiqhi ithukuluu huno pa nu lakhi akeu pesü mllani ye shi,

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

1 John 4:19

Ningu no kimiye kile chekeu ye Alhou paghino ningu kimiye kehue.

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

LESHELE 5:11

Ikemu O launo sükusho luche kemi kümtsü alovilu pelo; panoqo pelo alhokuthu alovi alephe pelo, eno Ow sükusho no panoqo khonha luvelo, tishikeu lono O je kimiye chekemi pelo alovilu pelo.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

IBRIMI 12:5

Nongu ghüthi püxü tsüniye anuliqo ipi nongu kukeu kümsümave akeshea? “I nu Ampeu no sakiyi qoputhu kelo iniküküzüi kevilo, o lomipi kelo aghüthisü kevilo.

JOB 5:17

Julo, Alhou no khuu sakiyini keno pa kümghapue; ikehu Akughushuu no shikümzü keu milive kevilo.

LESHELE 94:12

O Ampeu, Nono ghasü chekemi, eno O yezah shika chekemi ye alokivipue,

BOTHUBO 22:1

Hipa thiu Alhou no Abraham peju no pa vilo pi, “Abraham!” Pa no pi, “Ni hile anie.”

JOB 2:10

Ikemu pa no li vilo pi, “No ye mbomzümi totimi tsapi toi pi ani. Ningu ye Alhou launo akivi likhi luno alhoksa ye lumoveni keshea?” Hi kümtsü lo Job ye pa kichi lono axine tsa pimoe.

LESHELE 11:5

Ampeu no amikuchomi peju cheni, ikemu Pa ye kixikila eno ngukangugha shikemi mithi ke.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Rommi 5:4

eno kheakulu no Alhou lopu süqe iqiphe cheni, titoi Alhou lopu süqe huno lajupu iqiphe cheni,

2 Tim. 2:15

Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.