ISAIAH 8:17 - Sumi Naga CL (Re-edited) Bible (BSI)

¹⁷ Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

BAIBEL (BSI)

¹⁷ AMPEU ye pawu timiqo launo itshuluvae, ikemu niye pa pulu acheni eno pa lau iwu lajupu bepe achenike.

ISAIAH 8:17 Referans Kwoze

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

LESHELE 33:20

Ni ngulho no Ampeu khe ani; Pa ye ni kukuphuu eno ni züto.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

ISAIAH 59:2

ikemu nongu xine no nongu ngo Alhou dolo kijethavae, eno nongu xine ghenguno Pa gi nongu launo tsüghüvae tighenguno Pa ye nongu ghügha chilu amoe.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

HOSIYA 12:6

“Ikehu no ye o Lhou kukuphu vecheo ideighilo, iqemokeu kikimiye eno kuchou xakütha mtotoi tsüqülo, eno tamono o Lhou khealo.”

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

2 Thes. 3:5

Alhouw kikimiye eno Khristow kutuukulu lo Ampeu no nongu mlo kiche sawu peniu.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

LESHELE 39:7

“O Ampeu, ni ye itehi kiu khe akepu kea? Iw lajupu ye O lau ani.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

LESHELE 130:5

I no Ampeu khe ani, I ngulho no khe ani, Pa tsa shou I no lajube ani;

BOTHUBO 49:18

Ow xakulupu I no ngokhe anie, O Ampeu.

Luke 2:38

Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

ISAIAH 33:2

O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

LESHELE 40:1

I no kheakulu shi Ampeu khe ani; Pa no I lau kughopuwo no I küqa chilu tsüe.

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

IBRIMI 2:13

Itaghi, “I no Pa lau I küpkhü beni.” Eno itaghi, “Ni ye Alhou no atianuli I tsükeqo sasü hile anie.”

JOB 13:24

No ye kushiye O gi küsüve no I pesü O ghümi toi kihi ani kea?

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 45:15

Kuchou No ye Alhou, No ampi küghütshü chekeu, O Xakuluu, Israel Lhou.

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.

JOB 14:14

Timi lakhi no thive aye, pa ye xüchilelu nani keshea? Tishike aye I küxü kupuju ime anamu I theli lo ighi moke kutolo ni ye khejuni cheke.

JOB 35:14

Imaye nono Pa zülo kügha kepu ani eno Pa khe animu Pa ithulu chemoe pi akelo kishi o tsa initsü nani kea?

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.