ISAIAH 7:14 - Sumi Naga CL (Re-edited) Bible (BSI)

¹⁴ Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

BAIBEL (BSI)

¹⁴ Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 7:14 Referans Kwoze

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

Luke 1:31

Julo, no ye mishiluve no anu lakhi punu nani, eno nono pa je Jisü kutsü nani.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

ISAIAH 8:8

eno Judah qha kümtsü qoiloghi no akuo kutolo yimi ikughive nani, pa chishibo sükhope nongu yeghi kümtsü qhawo nani, O Immanuel.”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

JEREMIYA 31:22

O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

SAMUEL ATUGHIU 1:20

Ado achipi lono Hannah ye mishiluve no anu lakhi punu eno li no pa je Samuel kutsü, li no pi, “Kughengu Ampeu vilo I no pa khulue.”

SAMUEL ATUGHIU 4:21

Eno li no anu je Ichabod ipi kuvetsü no pi, “Ajuküvü ye Israel lono wuvae!” Kughengu Alhouw Puloshoqhi Bohu ye süxaluve eno li pangu ngo li kimi ghi thiveke.

BOTHUBO 30:8

Tithiu Rachel no pi, “Shishe kumgho keu lono I no I fo sasü kükha no tokulu shilue.” Ikehu li no pa je pesü Naphtali kutsü.

BOTHUBO 29:32

Leah no mishipuve no anu lakhi punu, eno li no pa je Reuben kutsü, li no pi, “Kughengu Ampeu no I ghime shou jupuku tsüe; kughengu itehi I kimi ye I kimiye niae.”

BOTHUBO 30:6

Tile Rachel no pi, “Alhou no I ghenguno küghatha tsüe, Pa no I sütsa ghi chilu tsüno anu lakhi I tsüvae.” Tighenguno li no pa je Dan kutsü.

BOTHUBO 4:25

Adam no itaghi pa nipu ithive, li no anu lakhi punu eno pa je Seth kuvetsü, kughengu li no pi, “Cain no pithive tsükeu, Abel züqhulo Alhou no I ghenguno atikughuko kütau süküsü shive tsüae.”

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

Luke 2:12

Hi no nongu lau amchipu shi nani: nongu no anu lakhi aphi kümtsha no küzüpe amishi khulo püzü püaghi keu ithulu nani.”

ISAIAH 38:7

“Ampeu ye Pa no piqhive ketoi shinanie pikeu kiqishi Pa launo amchipu hipau o tsü nani:

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 44:29

Ampeu no sheshu ani, Hi no nongu lau amchipu shinani, I no hipa-a lono nongu ghime nani eno tishikeu lono I tsa ye mtsüqheino nongu ghüzani ke nongu shou ikughi nani:

XAKUTHAMI 6:36

Gideon no Alhou vilo pi, “Nono pive toi, I vecheo Israel xalunie pi aye,

KUKAMI ATUGHIU 13:3

Timi huno tipani amchipu lakhi tsüno pi, “Ampeu no pikeu michipu ye hike: ‘Julo, akiptia huye hephove nani, eno ayevu ye kutholeve nani.’”

LESHELE 46:8

Ighilo, Ampeu kümla julo, Pa no kishi ayeghi lo küghüküghalei süghi kela!

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

Luke 20:44

Ikehu David no Ampeu ipi pa kuche pülaghi kishino pa ye David Nu ipini kea?”