ISAIAH 66:5 - Sumi Naga CL (Re-edited) Bible (BSI)

⁵ Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

BAIBEL (BSI)

⁵ AMPEU no kiu piani keno tipau inilo, nongu pa sumsa eno pa gholu chekemiqo: “Nonguno ilau amikucho shi xuachenike ghenguno nowu timi khamiye nongu mithi cheni eno pano gholo nongu sasumove cheni. Panonguno nongu thaighaghi pi, ‘AMPEU no pa jekipi piyepelo eno oxaluju pelo tishianguno nonguno alokivishi aghikeu nino junike!’ Ikemu panoqouno kujomzave nanike!

ISAIAH 66:5 Referans Kwoze

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

LESHELE 38:20

Khunono akivi züqhulo alhoksa pesü I tsü keno panongu ye I no akivi pape kehu I ngukube ani.

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

JEREMIYA 36:16

Kughou panongu no atsaqo chilu keno akümsa launo tsüghüwo lakhino lakhi kujukile. Panongu no Baruch vilo pi, “Ningu ye atsa hi kümtsü pesü akükau lau pithi masae.”

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ALE KIMCHI 1:6

I no tsüngtsüike ghenguno thüghüi I ju kevilo, kughengu khetsünhe no I phuqhive ke. I mu noqo no I ju amloide kelauno I küghape atsailu kheu shipe, ikehu I likhi I phimpi ye jukuto mlave!

1 John 3:13

Athiküzümiqo, ayeghilomi no nongu mithi kelo nongu ye akichiqhi kevilo.

Luke 13:17

Jisü no hipa tsa pi kelo pa külami shikujove, eno timi kümtsü no pa no akümzapu kümla shikeu lo alovilue.

AHOLE 13:13

Akükütsütsa milive keu shou kütsakungo ikughi nani, ikemu azakütsü gihu chekeu ye asaxü tsü nani.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

ISAIAH 60:15

Nongu ye peve eno jumithive kemi shi ache, eno khunomu nongu katha moke, ikemu I no nongu shou akükanguagha pukutsü nani, eno tiqheli-tiqheli kupuju alopivitsü nani.

2 Thes. 1:12

tishikeu lono ni Lhou eno Ampeu Jisü Khristow küpükini kiqi lono nongu gholo ni Mpeu Jisü jepipi tsü peni, eno nongu no Pa gholo apeni.

ISAIAH 65:13

Tighenguno Ampeu Alhou no ishi piani: “Julo, I qemiqo no chu nani, ikemu nongu ye müzüthi nani; Julo, I qemiqo no sho nani, ikemu nongu ye tüghüthi nani; Julo, I qemiqo no alovi nani, ikemu nongu ye kujomza kepu shinani;

HOSIYA 11:10

Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

KUKAMI ATUGHIU 21:29

“Ahab no kishi I zülo kuchuni ani keno ithulu anima? Pa no I zülo kuchuni ani kehu pa xüloye pa lau amhekiqipu puwu tsümoae; ikemu pa nu ghuloki lono pa kibolomi shou puwu tsüni.”

KUKAMI AKINIU 22:10

Tishino Shaphan no akükau vilo pi, “Achinetou Hilkiah no kaku hipau I tsüe.” Eno Shaphan no akükau zülono phisü.

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

EZRA 9:4

Tishino I no avela ghakishi kutolo apuchopungo iqa akelo Israel Lhou tsa chilu no khokhoshi chekeqo no akughu lono ideighi kemi küpülü küküha ghenguno I sühope ngove.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.