ISAIAH 66:3 - Sumi Naga CL (Re-edited) Bible (BSI)

³ “Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

BAIBEL (BSI)

³ “Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

ISAIAH 66:3 Referans Kwoze

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

ISAIAH 66:17

Ampeu no sheshu ani, “Khunono aghutuqo lo tüghachine ghenguno aphi kimthe shicheni, eno tilau shekujo wucheni eno khunoqo no awoshi ngo ajifu eno aphikümqhüpu chuqupu chucheni keno, tipaqo ghenguno ye ashekha shiveni keu kupunuvae.”

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

ACHINE 2:2

eno Aaron nuli achinemi lau süghini. Akümllagho qhoi pitipe Ampeu mllavae pi kümsülu apenike achineu no ashomkhu au kiye lakhi, thazü eno müsüghüta kuchopu ikhipe akiptia lono pitiveni, mülüi keu xo hino Ampeu lopu ke.

AHOLE 21:27

Kixikilami ghakishi ye aphikümqhüpue, imaye pa no alhoksa kimji lono mllani kelo kishita akimthipu kelae.

ZAKINIU 23:18

Nongu ye kütüqha keu lono iloghi keu pisa pesü ashoqhi kümllagho shi Ampeu nongu Lhou kilo iloghi moni, kughengu hi ye Ampeu nongu Lhou zülo aphikümqhüpu ke.

ZAKINIU 14:8

Awoshi chumoni, kughengu awo ye apukhumtsü shoba kemu akhakile chemo kehu mithe moke. Lhoxü hipaqo shi chumoni momu tipaqo kithikumo bumoni.

XAKUTHAMI 10:14

Wuno nongu no kisheluve keu lhouqo lau ighamku khulo. Panongu pelo nongu no aghime shi akelo xaphelu pelo.”

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

XAKUTHAMI 5:8

Kughou alhou kithe kishe keno aphughi khagho lo aghükishi ighive. Israelmi 40,000 gholo azüto momu angu ithulu keshea?

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

XAKUTHAMI 21:25

Tipau ghuloki lo Israel lo akükau kühano ache. Kümtsü no pütüta chipiu gholau no aghoshi xüche.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

HAGAYI 2:14

Tile Haggai no khochile, “Ampeu no sheshu ani, timi hipaqo ghi titoi ke, shiye hipau ghi I zülo titoi, eno pano u lo kümlaqo ghi tishie. Panoqo no kiu pe mlla keno tighi mithekumo ke.