ISAIAH 66:1 - Sumi Naga CL (Re-edited) Bible (BSI)

¹ Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

BAIBEL (BSI)

¹ AMPEU no pi, “Kungughaye ikuka lakhuke eno ayeghiye ipukhu kinepuke. Tishiaye, nonguye ighenguno kiu toikeu ki shitsuluni kya? Kiutoi keu alo ipelo ngopeni kya?

ISAIAH 66:1 Referans Kwoze

Apostolmi 17:24

Alhou khuu ayeghi eno tile akeu kümtsü lho keno, Pa ye kungugha eno ayeghi Mpeu kehu timi no shikeu chineki lo ngo chemoe,

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

LESHELE 132:7

“Ningu Ampeu kilo wuni nolo; ningu no Pa pukhu nepa lono Pa mllani nolo!”

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

YEKIKITHI AKINIU 6:18

“Ikemu Alhou ye kuchou no ayeghi lo xünani keshea? Julo, kungugha eno kungugha akiqheu thotsü O qhilu kepu-a ililai moe, tishiaye kishino I no aki hipau shipüa keu no ililai luni kea?

YEKIKITHI ATUGHIU 28:2

Pa no puthugho no pi: “I thiküzümi eno Iw timiqo, I tsa inilo. Ni Lhou pukhu kinepu-a eno Ampeuw Puloshoqhi Bohu kiqhipu-a ghenguno ni ye aki lakhi mlanie pi I mlo lo ache, eno tighenguno thokha kutope qhie.

LESHELE 99:9

Ampeu ni Lhou sheqhelo, eno Pa kimthe toghi lono mllalo; kughengu Ampeu ningu Lhou ye akimthe ke!

MATTHEW 24:2

Panongu vilo pa no pi, “Nongu ye hi kümtsü ithulu anima? Kuchou no I no nongu vilo piani, hile atu lakhimu lakhi shou küqape ngomo no qhoi tuleqhive nani.”

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 12:6

I no nongu vilo piani, kiukela achineki nguno akijeu lakhi hile ani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

YEKIKITHI AKINIU 2:5

I no achineki shiqhe niye akeu ye kije ke, kughengu ni Lhou ye alhou kümtsü nguno akijeu ke.

ISAIAH 60:13

Lebanon jekipi no nongu lau ighi nani, ti ye Cypress süboqo, asahubo eno asübo kütauqo pesü I kümlla khache jukighilepu shitsüni ke ighi nani, eno I kungo-a ighono ajuküvü shitsü nani.