ISAIAH 65:6 - Sumi Naga CL (Re-edited) Bible (BSI)

⁶ Julo, I zülo hitoi yepüani: Ni ye inaqhoi ngomo nani, ikemu lochile nani; kuchou no I no pano lukobo lo lepukutsü nani.

BAIBEL (BSI)

⁶ “Niye panoqo ghimeqhinikeu xatha pesu kutovae eno panoqo shou kiu shikepu keno yepesu qhivae. Panonguno kiu mlakeno niye juzuveni chemoe ikemu pano xineqo eno pano puasu xineqo ghenguno panoqo shou lochile nani.

ISAIAH 65:6 Referans Kwoze

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

LESHELE 79:12

Ni cheaxümi no O shou O cheqhi akeu ghenguno aghime ghuthu tsüni kutolo tsülo, O Ampeu!

ISAIAH 64:12

O Ampeu, No ye hipaqo jupe O likhi O hakha ani keshea? No ye inaqhoi ngove no ni pelo aghimeshi apeni keshea?

ISAIAH 42:14

“Ado kushuo lono Ni ye inaqhoi ngovae; Ni ye inaqhoi I likhi Ni süchile pesü ngovae; itehi ye totimi no apunu küsü lo igha aketoi I no igha nani; I no atuthu shekukuno muqhu nani.

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

JOYIL 3:4

“I zülo nongu ye kiu kea, O Tyre ngo Sidon, eno Philistia tokukujo lo akeqo? Nongu ye kiuala ghenguno I lochile ani keo? Tsala nongu no I lochile aghi aye, I no mtazü eno papashi nongu lochileve nani.

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

LESHELE 56:8

I tukuchoqhi keu ye Nono kihipe ani; I nhezü kipiji ye O külabo lo süpüani. Tipaqo ye Ow kaku lo anike kumo?

ZAKINIU 32:34

“‘Hi ye I gholo küsüpe I kini pekükütsü chebo lo khatha püanike kumo?

IPEKULU 17:14

Tithiu Ampeu no Moses vilo pi, “Kümsümamo kepu shi hipau kaku lo yepe qhilo, ti ye atsütsü qholo Amalekmi kümsümave penike I no qhoi pühave tsü nanie pi Joshua kini lo hipau pisü tsülo.”

Luke 6:38

tsülo, eno o tsü nani. Akimghi bohu chili, inadasü, kunosü, eno yele-qole nongu u lo sütsü nani. Kughengu nongu no akimghipu peitha keu pesü nongu lau mighi chile puwu nani.”

LESHELE 107:17

Khami ye pano xine laghiqo vecheo mbomzü shive, eno pano kipimi vecheo aghime shi süve;

LESHELE 109:14

Pa puasüqo kipimi ye Ampeu zülo kümsülu ache pelo, eno pa za xine ye nuxa pühave tsü kevilo!

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

ISAIAH 59:18

Pa no panoqo kümla kiqi lono, lochile nani, axukighide pesü pa mjochile akemi ngo pa ghümi lochile nani; azüghi küdau akemi lau Pa no lochile nani.

ISAIAH 66:6

“Mishighüna lo mqhu akeu sütsa! Achineki lono aghügha igha ani! Ti ye Ampeu no Pa ghümi lochile akeu ghügha ke!

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”