ISAIAH 63:7 - Sumi Naga CL (Re-edited) Bible (BSI)

⁷ Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

BAIBEL (BSI)

⁷ AMPEU wu iqemokeu kikimiye ino pia nani; pano mlatsukeu kumtsu ghenguno ino pa sheqheni. Pano kinikulushi Israil lo timiqo kumghatsuke, pawu kupuqhiyikeu eno iqemokeu kikimiye ghengu noke.

ISAIAH 63:7 Referans Kwoze

Ephesiami 2:4

Ikemu Alhouw kimiyekini, khipau pesü Pa no ningu kimiye keno, kije akeu vecheo küpükini no nibonilei akehu

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

KUKAMI ATUGHIU 8:66

Atsala akütacheni Solomon no timiqo pütüta kilo puwove, eno panongu no akükau kümgha tsüno Ampeu no Pa qeu David ngo Paw timi Israelmi lau akivi kümla shikeu ghenguno shishe alokivi shi pütüta kilo wove.

1 Tim. 1:14

eno Khristo Jisü gholo akeu küpülü ngo kikimiye vecheo, ni Mpeuw küpükini no I shou yeli qole ikughi ke.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

HOSIYA 2:19

Eno I no pülhapuju ghenguno no inisüve nani. I no achipiu mikucho eno kuchou xakütha, iqemokeu kikimiye eno küpükini lono no inisü nani.

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

LESHELE 107:31

Timi nuliqo lau Paw iqemokeu kikimiye eno akümzapu kümlaqo ghenguno panoqo pelo Ampeu shikimthi pelo!

LESHELE 107:21

Paw iqemokeu kikimiye eno Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 107:15

Paw iqemokeu kikimiye eno Paw akümzapu kümla timi nuliqo lau mla keu ghenguno panoqo pelo Ampeu shikimthi pelo!

LESHELE 107:8

Paw iqemokeu kikimiye ghenguno, Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 63:3

Ow iqemokeu kikimiye ye aküxü nguno akiviu kehu, I kichi no O sheqhe nani.

NEHEMIA 9:35

Pano kükaqha lou ghi, eno Nono akivi kije pano tsüke ghi, eno kinikülü yeghi kije pano tsüke ghi, panongu ye O qemo momu pano xeküsü kümla lono ideighi moe.

NEHEMIA 9:31

Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

NEHEMIA 9:25

Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.

YEKIKITHI AKINIU 7:10

Aqhi akütsüniu, atsala muku aküthüu lo pa no timiqo pütüta kilo puwove, Ampeu no David ngo Solomon eno Paw timi Israelmi kinikülü tsükeu ghenguno shishe alokivi shi wokhave.

MATTHEW 7:11

Nongu alhoksami thotsü kishi thime kivi pesü nongu tianuli tsükepu keno ithi aghi aye, khuu kungugha lo ani keno, nongu Papu huye Pa vilo khukeqo lau tinguno alau tsü nani.

IPEKULU 18:9

Ampeu no Israelmi ghenguno akivi mla tsükeu kümtsü ghenguno Jethro no alovive, Pa no Egyptmi u lono panoqo xaphe tsüke.

LESHELE 25:6

Ow kimiyekini eno iqemokeu kikimiye kümsü lulo O Ampeu, kughengu tipaqo ye khaghi no tishi cheghi ke.

LESHELE 92:2

inaqhe no Ow iqemokeu kikimiye, eno putho lono O pükhükulu asheshu,

LESHELE 145:7

Panongu no o jekipi kivi kümtsü pi nani eno O chipiu mikucho shipili igha nani.

ISAIAH 26:13

O Ampeu, ni Lhou, O nguno ampeu kütami no ni shou ayepe, ikemu nino O je likhi kümsülu cheni.

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

LESHELE 103:2

Ampeu sheqhelo, O I ngulho, eno Paw kükümghaqo kümsüma kevilo.