ISAIAH 63:17 - Sumi Naga CL (Re-edited) Bible (BSI)

¹⁷ O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

BAIBEL (BSI)

¹⁷ Noye kushiye nipelo olaghi lono ala vezuvepe kya? Noye kushiye nipelo amlo mkamghaivepe no olauno tsughusu wuvepe kya? Oqechekemi ghenguno ideighilo, alhokuthulo owu shiakemiqo ghenguno ideighilo.

ISAIAH 63:17 Referans Kwoze

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JOSHUA 11:20

Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

AKIKIHI 10:36

Eno tipau pewo qhike lono ishi piche, “O Ampeu, Israelmi qhethonhe no qhethonhe akeu lau ideighi tsülo.”

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

LESHELE 141:4

Axine kümla shiche kemi loji lo I pelo mighimghai küsakügha kümla shipemo nike kiu küsakügha lomu I mlo bepe ngope kevilo, eno I pelo pano chuqupu kivi chushope kevilo!

LESHELE 119:36

Alakimne küakini lo amlotsü mono I mlo pelo O kükütsüqo lo amlo tsüqhiyi pelo.

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 80:14

O aqokitikhi Lhou, tsüghü ighilo! Kungugha lono jupiqi tsülo; atsaibo shosü püakeu xalulo,

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

IPEKULU 11:10

Moses ngo Aaron pama no Pharaoh zülo akümzapu hipaqo shie, eno Ampeu no Pharaoh mlo shikümkave tsü, eno pa no pa yeghi lono Israelmi puwumoe.

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 30:28

Pa tuthu ye aghoki zü no akuo kutolo vesü ikughive ketoi ke. Pa no kütsakungo keu pesü shiyeqo ijoni ke sükuchoqhi cheni, eno panoqo sabide nike khurshi toi akichi lo ayi sütsü cheni.

AKUMLO 3:9

Pa no atuquqo pesü I laghi lakhave tsü; eno I laghi shikighijive tsüe.

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

ISAIAH 19:25

ti ye aqokitikhi MPEU no ishi pino kümghatsü keu lono ke, “Egypt Iw timi, Assyria I u lo kümla, eno Israel I mheghi, akümghapu shilo.”