ISAIAH 63:16 - Sumi Naga CL (Re-edited) Bible (BSI)

¹⁶ No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

BAIBEL (BSI)

¹⁶ Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

ISAIAH 63:16 Referans Kwoze

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

JOB 14:21

Pa nuli no agigihupu ithulu keu pa ye ithi chemo, panoqo shikuloti namu pa ye ithi chemoe.

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

YETSAPIU 9:5

Kughengu küxümi no pano ye thive nanie pi ithi ani, ikemu kithimi ye kiumu mthae. Pano ye asaxü küha eno pano ghili ye kümsümave cheni.

IPEKULU 4:22

Tithiu nono Pharaoh vilo pilo, ‘Ampeu no ishi piani, Israel ye I nu anoghiu ke,

John 8:41

Nongu ye nongu papu no shikeu kümla shiani.” Panongu no khochile, “Ningu ye tüqhanu kumoe. Ningu ye Apu lakhi likhi ani, ti ye Alhou ke”

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 29:22

Tighenguno Khuu Abraham xachilelu keno, Ampeu huno Jacob lagha ghenguno ishi piani: “Jacob lagha ye kujomza moae, pano gi ye phalai kithemae.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

ZAKINIU 14:1

“Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

ISAIAH 45:11

Ampeu Israel Lhou Akimtheu, O lhokeu no ishi piani, “Ighini keu vehu I vilo inijulo; no ye I nuli vehu lo eno I kümla vehu lo azah tsü kulupu ani keshea?

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

JEREMIYA 3:23

Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”