ISAIAH 60:3 - Sumi Naga CL (Re-edited) Bible (BSI)

³ Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

BAIBEL (BSI)

³ Ashiayeh kutamiqo nongu kuvu kudau ighi nani, nongu tsala kithe ipechekeu kudau kukamiqo ighi nani.

ISAIAH 60:3 Referans Kwoze

Apostolmi 13:47

Kughengu Ampeu no hitoi azah ningu tsüvae, “‘I no o pesü Jewkumomi küvü shive tsüae, tishianguno nono ayeghi shekha kutolo xakulupu saghi nani.’”

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

Piyeküsü 21:24

Shiye kümtsü no tipau küvü pesü xünani, eno ayeghi lo kükami no pano jekipi pesü tipau lo süghi nani,

John 12:32

Kughou ayeghi lono ni ikhiqhe luveni keno, I no timi kümtsü I lau sünhe luve nani.”

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

Apostolmi 15:17

tishianguno timi jeli eno Jewkumomi khunoqo I je vecheo kuluve akeno, panongu pelo Ampeu phu peni, ipi Ampeu khuu no khaghi no hipaqo ithipe keno, Pa no pi.’

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

LESHELE 138:4

O Ampeu, ayeghi lo kükami kümtsü no O shikimthi nani, kughengu panongu no O kichi lono pikeu tsa chiluvae,

LESHELE 68:29

Jerusalem lo O chineki ghenguno kükami no agho O lau xapughi nani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

AMUS 9:12

tishianguno panoqo no Edom lo ghükulumi eno shiye khipaqo Iw ke ipiche keno tipaqo leluve nani,” ipi Ampeu khuu no hipau shi cheni keno Pa no piqhivae.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 2:10

Tighenguno itehi, O kükamiqo, alotsü lo; ghutu lulo, O ayeghi lo yepemiqo.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 102:22

kughou ashiaye eno kükaqhaqo no kümtsa hekütsü kumqo no Ampeu mlla keno tileno tishi nani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ISAIAH 62:2

Zion, shiyeqo no ow achipiu-mikucho ithulu nani, eno kükami kümtsü no o juküvü ithulu nani, no ye aje kithe pesü o ku nani, eno aje ti ye Ampeu no tsü nani.

LESHELE 102:16

Kughengu Ampeu no Zion shiqheke; Pa no Pa juküvü lono ipeghie;