ISAIAH 59:4 - Sumi Naga CL (Re-edited) Bible (BSI)

⁴ Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

BAIBEL (BSI)

⁴ Nonguno kughakutha alo wucheni, ikemu kuchou xakutha nokudau ighi chemoe. Nonguno atsakukugha toniaye akimki shou bepe acheni. Nonguno kutami ghuzaniye akukughu shi cheni.

ISAIAH 59:4 Referans Kwoze

JOB 15:35

Panoqo no alhoksa mishipuve no kixikila punu cheni, eno pano tita huno pishikiqhi iqüphe chenie.

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

JEREMIYA 7:8

“Julo, nongu no ame küha keu pishikiqhi tsa pükhübe cheni.

JEREMIYA 7:4

Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

ISAIAH 30:12

Ikehu Israelmiw Akimtheu no ishi piani: “Nongu no atsa hipau phimove no nedaqoda keu ngo pishikiqhi shou pükhü ani kehu,

AHOLE 4:16

Kixikilami ye alhoksa shimo kelo zühulu chemoe; panongu ye timi küpxa moke kutolo pano küzü kihi acheni.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

LESHELE 62:4

Pano kukughu ye akuchuqu-a lono pa sünhe qhiveni keu likhi ke. Panongu ye kichile lono aghapiqilu cheni. Pano kichi loye kümghatsü cheni, ikemu amlo lou ye panongu no ghusho cheni.

JOB 15:31

Abokümsa shou pükhüpe pa ampi pishiqhipe kevilo, kughengu abokümsa no pa jume shi nanike.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

ISAIAH 5:18

Khunono akimki kighi pesü axine eno kixikila tshüluve cheni keno ahasapue,

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

ISAIAH 10:1

Akumou xaküthaza eno qaqhikeu yezah mla chekemi hasapue,

ISAIAH 26:18

nino mishipu, aküsü xapu ihi, ikemu amülhüu punue. Ayeghi lo niw tokulu ye kiumu küha aphie, eno ni vecheo khumu punu mphi.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

ISAIAH 29:20

Kughengu ayiküsami ngo thoküghami eno alhoksa kughu chekemi qhoi kütsaleve nani,

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 33:11

Nongu no amuu mishipu ke aghijini punuqhi cheni; nongu kichi lono nongu pitini keu mi shephe cheni.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

ISAIAH 47:10

Nono ow kixikila lono piche, “Khumu ni ithulu amoe”; o lokütsü ngo o kighithi no o sabidevae, nono o mlo lono ishi pike, “I likhi ke, I nguno kütami khumu kühae.”

ISAIAH 59:15

Amikucho ye kühavae, timi khuu no alhoksa lono tsüghü wuveni keno, pa ye pa ampi pesü tsükuchupu lhoxü toi shivae. Ampeu no ti ithulu, eno achipiu xakütha kühakeu ithulu no Pa mlo qimove.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

JEREMIYA 48:7

Kughengu nono o kümla ngo o kinikülü shou pükhübe kehu no ghi leluve nani; Chemosh ye haphe sawuve nani achinemi ngo hiyampemi ghi sawuve nani.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

LESHELE 7:15

Pa no aqo chhupe qhicheni, eno pau no tile ikiqi ilove cheni.

LESHELE 12:3

Ampeu pelo alaphasü chekeu mili, shishe qheza ghi hitoi pichekeu mili ghithave tsü peniu,

Apostolmi 24:9

Jewmi ghi hi nguku akeu kümtsü kuchou kepi küqha tsüe.