ISAIAH 58:11 - Sumi Naga CL (Re-edited) Bible (BSI)

¹¹ Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

BAIBEL (BSI)

¹¹ Pulhapuju ino nongu sapiye eno thime kivi pesu nongu lopiqitsu nani. Ino nongu pelo mutotoi eno akivishi apenani. Nonguye aghutu lakhi azu pofushi akeu toi nani, azupuki khilemu qhaive chemokeu toi nani.

ISAIAH 58:11 Referans Kwoze

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

LESHELE 32:8

Nono wu masa keu laghi lo I no o kütsü shika nani; I nhethi pesü o shou jupuku no I no o vilo piputoni.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

LESHELE 25:9

Pa no aqhokighemi sasü achipiu lo wucheni eno aqhokighemi lau Pa laghi shika cheni.

ALE KIMCHI 4:15

No ye aghutulo züpuki, aküxüpu zükikhe, Lebanon lono qowu akeu ghokiqo ke.

AHOLE 11:25

Kükümgha pesü tsü aye alau kighishelu nani, azü pesü kütami püxütsü aye pau püxütsü nani.

AHOLE 3:8

Tino o phimpi shipivilu nani eno o ghi-anhü ghenguno küsüvi shilu nani.

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

LESHELE 92:14

Panongu ye kitemi shiveke thiu ghi athi pithi cheni panongu ye pülhapuju xüthilei eno mtotoi ke.

HOSIYA 13:5

Asayeqha eno züha yeghi lono no ithikeu ye I no ke;

JEREMIYA 17:8

Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

AHOLE 28:25

Alakimnemi no kuqhumo keu huthu cheni, ikemu Ampeu shou pükhübe kemi ye kinikülü heshetsü nani.

LESHELE 73:24

Ow mijekütsü no I la kichetsü, eno ashekha lo Nono ajuküvü lono I saluve nani.

LESHELE 48:14

tihu ye Alhou ke, alholo eno pülhapuju ni Lhou ke. Pa no alholo ni la kichetsü nani.

LESHELE 37:19

alhoksa ghuloki lo panongu ye akukujo lo ilove pemo nani; püqümiye ghuloki lo panongu ye kupukuno shi anani.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

LESHELE 107:9

Kughengu Pa no mlominyi keu ngulho ghapiqitsü cheni, eno Pa no thime kiviqo pesü müzü-tüghü shikeu ngulho shepichhi tsü cheni.

JOB 5:20

Püqümiye ighi kelo Pa no akithi lono o xachilelu nani, eno aghüshi lo azüta angu kumto lono o xachilelu nani.

1 Thes. 3:11

Itehi ye ningu Papu Alhou ampi, eno ni Mpeu Jisü no ni la kiche tsüno nongu lau ighilu peni,

ISAIAH 61:11

Ayeghi no apiti lhophetsü ketoi, eno aghutu no athi yisü püakeu lhophetsü ketoi, Ampeu Alhou no achipiu-mikucho ngo shekiqhe pesü ashiaye kümtsü zülo mini ipeghilu pe nani.

AHOLE 13:4

Akipichimi no minemighei anamu kiumu ithumla no akelo azükinimi ye kupukuno shi ithulu cheni.

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

John 7:38

Khunono I pülüni keno, Kuchoyesü no pike toi, ‘Pa mlo lono aküxüpu zü qoipeghi nani.’”

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

ZAKINIU 15:4

Nongu dolo khumu kumlhomi shimo nani; kughengu Ampeu Alhou no nongu tsü akeu yeghi lo nongu kümghatsü nani.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

ISAIAH 44:4

Panongu no atsüni dolono ishe ipeghi nani aghoki zü qowu akeu phelo mulosübo aketoi nani.