ISAIAH 58:1 - Sumi Naga CL (Re-edited) Bible (BSI)

¹ “Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

BAIBEL (BSI)

¹ AMPEU no pi, “Nono toluke thaqhu asheshulo! Iwu timi Israilmi vilo panoqo xine pilo!

ISAIAH 58:1 Referans Kwoze

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

EZEKEL 20:4

Timi nu, no ye panoqo shou küghathabe nani kema? Pano pelo pano puasüqow aphikümqhüpu ithi pelo,

EZEKEL 22:2

“No, timi nu, no ye küghathabeni ma, no ye aji pele keu mishighüna shou küghathabeni ma? Liw aphikümqhüpu kümtsü li vilo sheshu lo.

ISAIAH 56:10

Pa ghukhemi ye anhethi ichevae; panongu kümtsü akighithi kühavae; panongu kümtsü atsü ighamo keu toike; panongu ye atsü toi ihozü no asamo pumo keu no apulou kethono kütami ghemlavae.

ISAIAH 40:6

Asütsa lakhino pi, “Sheshulo!” I no pi, “Kiu tsa sheshuni kea?” Timi kümtsü atsüni ke, panow jukivi ye agha lo xamunu toike.

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 2:5

O Jacob laghami, ighilo, ningu Ampeu küvü lalo checheni nolo!

ISAIAH 43:27

Nongu puasü atüghüu no axine shive; eno now aghinimi no I zülo axine shive.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

EZEKEL 16:2

“Timi nu, Jerusalem pelo liw aphikümqhüpu ithi pelo,

EZEKEL 23:36

Ampeu no I vilo pi: “Timi nu, no ye Oholah ngo Oholibah pama shou küghathabeni kema? Pama vilo pamaw aphikümqhüpu sheshu lo.

EZEKEL 33:3

tsala pa no azütakikihi ayeghi lo cheghi keu ithulu no afuko küigha eno timiqo ghutu aye,

JONAH 1:2

“Ithulo, mishighüna kije Nineveh lo wulo, eno tipau lakichile tsa pilo, kughengu pano küsakügha no iku I tovae.”

JEREMIYA 36:9

Josiah nu Judah kükau Jehoiakim yepe mpe apunguu aqhi atokuu lo Judah mishighünaqo lono Jerusalem lo ighi kemi kümtsü no Ampeu zülo kümvü nike kütüghü.

EZEKEL 11:4

Tighenguno panoqo lachile tungkuptsa pilo, tungkuptsa pilo, O timi nu.”