ISAIAH 57:4 - Sumi Naga CL (Re-edited) Bible (BSI)

⁴ Nongu ye khuu junuqhi ani kea? Nongu ye khuu shou pipuku ani eno khuu shou nongu mili chhophe ani kea? Nongu ye ayezah hexave kemi eno kühaküghami tianulike kumo keshea?

BAIBEL (BSI)

⁴ Nonguye khuu junu ani kya? Nongu kimkimiqoye khuu piputha ani kya?

ISAIAH 57:4 Referans Kwoze

2 Peter 2:13

pano kümla lhoksa ghenguno tipau jume aghimepu tsü nani. Atsala küvü lono panongu shiaji ghapiqi keu no pano pulou ke. Panongu ye panow pishikiqhi lono aghakiqi shi nongu gholo akukujopu eno tichetighepu shi chusho acheni.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

LESHELE 35:21

Panongu no I lachile pano kichi akuloghi xükho; eno picheni, “Aha, Aha! Ni nhethi no ti ithuluvae!”

IPEKULU 9:17

No ye itehi kutolo no ampi sheqhe ghi Iw timi mjochile ani eno panoqo puwu amoe.

Kolosiami 3:6

Hipaqo ghenguno Alhou loghu cheni.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

MATTHEW 27:29

asahubo ghoküna keu kütsükuqho pesü pa pipe, pa u ajeu ayeghü küsü sütsü. Eno pa zülo qhoqhünhepe pa thaigha, “Jewmi Kükau, axü pushulo!”

MATTHEW 13:38

Alu no ayeghiqha, apiti kivi huno Ayekipe tianuliqo, eno alupi no alhoksau tianuliqo ke.

HOSIYA 10:9

Gibeah ghuloki lono nongu ye axine shivae, O Israel; tilauno nongu ye kibe ighivae. Aghükishi no Gibeah lo achipikumomi haluve moni kea?

EZEKEL 2:4

Pano kughukoqo ghi ayekümtha eno kuthovi ke: I no panoqo lau o puwu ani, no ye panoqo vilo pilo, ‘Ampeu Alhou no ishi piani.’

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 10:15

Amüghü momu küxüyi ye pa peitha chekeu kütsü lo iku qolu nani keshea? Ti ye aqheküsü momu asüthalu no timi peitha cheghi kepu toive niae!

LESHELE 69:12

Khagho lo akeqo zülo I ghili kügha keu shive, eno shokümzümi no I ghili pesü ale iqi no pheke.

LESHELE 22:17

Ni ye I ghi kümtsü kihilu nani— panongu no I ju eno I no tomlave keu lo alovi ke;

LESHELE 22:13

abongshuu no mqhumza eno ighamku aketoi panongu no I lau abaxa akuloghi mukupe ani.

LESHELE 22:7

I ju ithulu kemi kümtsü no I junue; panongu no amtsü yelepe I tsü; akütsü küngü tsü;

JOSHUA 10:21

Tishino timi kümtsü no Joshua lau Makkedah ghazü lo ideighive. Tipa yeghi lo khunomu Israelmi shou kiumu pipuku move.

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

ISAIAH 57:5

Nonguw aphisübo ngo asübo jeli qholono ashiaji ghasümla no ghüghüshi chekeqo, nongu ye akhila eno atuxu lono nongu tianuli heqhipe aghakishi shi mllae.

YEKIKITHI AKINIU 36:16

Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

JEREMIYA 20:8

Kughou I no atsa pini keno, ni ye ighamku, “Hekiqhi eno kütsakungo” ipi cheni! Kughengu Ampeu tsa ye I ghenguno tsala kupuju atiche eno cheqhi keu ke.