ISAIAH 57:2 - Sumi Naga CL (Re-edited) Bible (BSI)

² pa ye aloino keu lo wuvae; achipiu laghi lo cheche kemi ye pano lüpa lo ihozü acheni.

BAIBEL (BSI)

² Khunono akuxu kivi xuni keno akithi lono alokughuno ngo akulhokiqhi ithulu cheni.

ISAIAH 57:2 Referans Kwoze

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Luke 2:29

“Ampeu, itehi ye O tsa kiqi lono O qeu pelo aloinoqhiyi wove pelo;

JOB 3:17

Tile ye kixikilami no shipüsalu chemo eno kulhokughomi no akulhoqhilu cheni.

2 Kor. 5:8

Iyei, ningu ye amlo kuloghi shi ani, eno aphimpi qhive püzü Ampeu gholo auveni keu pavi nani.

Luke 7:50

Itaghi pa no atotiu vilo pi, “O küpülü no o xaluvae; aloino wolo.”

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

YEKIKITHI AKINIU 16:14

Eno David phughi lo pa no atuqu kumoki chhu püakeu lo shiqhove. Panongu no axokütsüngü kümlami no axokütsüngü jeli kuto püakeu lüpa lo pa beve, eno ami kuloghi shipe pa gihue.

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

EZEKEL 32:25

Ghiqhive kemi gholo panongu no li lüpa mlatsü, liw aqokitikhi no li sükumo vehope ani, panongu kümtsü aphighüyiko ghamo kemi, azütakikihi no ghiqhive kemie; kughengu xüküami yeghi lo panongu no kichi kümsa keu veküpha ke, eno akuthoku lo iqive kemi gholo panongu no pano kukujo xapu ke; panongu ye ghiqhive kemi gholo ngovae.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

ISAIAH 26:7

Amikuchomi laghi ye müdüniyi; Nono pano laghi külaqa tsüke.

ISAIAH 14:18

Shiyeqow kükami kümtsü pütüta kumoki lo agigihupu shi zü akhani;

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

DANIEL 12:13

Ikemu ashekha kutolo o la lo chechelo. Eno no ye akulhoqhilu nani eno ashekha tsala lo o ghenguno kuto püakeu-a lo puthugholu nani.”

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’