ISAIAH 56:11 - Sumi Naga CL (Re-edited) Bible (BSI)

¹¹ Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

BAIBEL (BSI)

¹¹ Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

ISAIAH 56:11 Referans Kwoze

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

John 8:43

Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

1 Tim. 3:8

Tihutoi deaconmi ye mtsümishei kemi shimasa, amili shoba moni, aji shomoni; momu alakimnemi shimoni.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Apostolmi 20:33

Ni ye khuuw ameshoyi, ghükayi, aphimini mu mine püamoe.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

YETSAPIU 5:10

Khuu no pisa kimiye cheni keno, pa ye pisa shou aghaqimo nani, titoi küakini mine chekeu ye paw ilokighi jupe lukümkha shimo nani; hi ghi adoue.

SAMUEL ATUGHIU 2:29

Tishiaye kushiye I ghakishi eno I kümllagho khipaqo I no I chineki ghenguno azah tsü keno tipau thaigha eno Iw timi Israelmi no mlla keu lono ashi leqhi akiviu pe nongu ampi no atha pubeyi luve no I nguno alau o nuliqo gihuve kea?’

IPEKULU 23:3

momu no ye kumlhomi tsa kükügha lo pa lau agi jumoni.

FILIPIAMI 3:2

Khunono alhoksa kümla, aphi-ashi ghakütha khuaye pecheni keno, ti atsüqo tsükhüi jukuto alo.

ISAIAH 28:7

Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

HOSIYA 4:8

Panoqo no Iw timi xine küsaje; pano xine ghenguno alamine.

AKIKIHI 22:7

Tighenguno Moabmi ngo Midian sakiphemi no asakiqhi jume pesü wuve no Balaam lau Balak sütsa süghi.

XAKUTHAMI 18:20

Achineu ye alovive, eno pa no Ephod, aki lhouqo, eno ajulho ikhiluve no panongu sasü cheve.