ISAIAH 55:12 - Sumi Naga CL (Re-edited) Bible (BSI)

¹² “Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

BAIBEL (BSI)

¹² “Nonguye alokivishi Babilon qhiveno wunani; nonguye alokughuno shi aphughi lono sasu ipe nani. Naghutoqo eno atoqono vekipighi alephe nani, eno asuboqono alokivi launo ighamuku nani.

ISAIAH 55:12 Referans Kwoze

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

LESHELE 105:43

Ikehu Pa no alokivi shi Paw timi saipeghive, Pa no kishelu kemi sasü alephe ghi ipeve.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

LESHELE 65:13

Atsüni-a lo atsüaqu loji no nhakha ani, akhila lo athi no amoqhepe ani, panongu no alokivi lono kümtsa ighamku ale phe ani.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 14:8

Asahu sübo ngo Lebanon lo cedar süboqo no alovi pi ani: ‘O sünheqhive ake asü küküxümi ye ningu yeqhi nike ighi movae.’

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

LESHELE 47:1

Ashiayeqo, nongu u kukhulo! Alokivi le vekipighi phepe Alhou sheqhelo!

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

LESHELE 65:12

Yenguyi ke-a lo atsüni kümtsha no pofushi ani, atoghiqo no alokivi shi ani,

LESHELE 69:34

Atsütsü eno ayeghi, azüghi eno tile lhoxü kümtsü no Pa sheqhelo.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”