ISAIAH 53:7 - Sumi Naga CL (Re-edited) Bible (BSI)

⁷ Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

BAIBEL (BSI)

⁷ “Mughachhoi pa peithake, ikemu akumtsa shi puqheluveke; paye atsa lakhimu piqhimoe. Bheriti lakhi ghiqhiniye akelo toi, bheri lakhi amhi gholuveniye akelo toi paye atsa lakhimu piqhimoe.

ISAIAH 53:7 Referans Kwoze

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

Mark 14:61

Ikemu Jisü no inaqhoi ngove no kiumu khochilemo. Achinetou no itaghi Pa vilo ighiju, “No ye Kükümghau Nu Messiah keshea?”

John 19:9

Pa no oking lo itaghi ideilo no Jisü vilo pi, “No ye khilano ighi kea?” Ikemu Jisü no kiumu khochilemo.

Luke 23:9

Pa no ado lughi Jisü vilo ighikuju tsa iniju akemu Jisü no kiumu khochile moe.

Mark 15:5

Ikemu Jisü no kiu tsamu khochile move keu lono Pilate ye akümzave.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

AKIKIHI 7:27

akipti kümllagho ghenguno amshitsü, ambetsü, ampe lakhi mbetsü, lakhikhi;

LESHELE 44:22

Ikeghi O je ghenguno atsala kupuju ningu ghiqhi acheni; ghiqhiveni ye akeu mbe toi ningu peitha cheni.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

LESHELE 38:14

Ni ye akini kughupomi, khuu kichi lo alomipi kepu küha keno pa toivae.

LESHELE 38:15

Ikemu O Ampeu, I no O khe ani; O Ampeu, I Lhou, Nono I khochile nani.

ISAIAH 50:6

I heqhi akemi lau I no I mqa mighe tsüe, I kichimhi phitsü akemi lau I no I gimuchu mighe; I shikujo eno müsüte akemi launo ni ye I gi küsüve moe.