ISAIAH 51:9 - Sumi Naga CL (Re-edited) Bible (BSI)

⁹ Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

BAIBEL (BSI)

⁹ Idathughilo AMPEU, nikuphulo! Okuka peithano ni xalulo; khaghi ghulokilo nono shikeu toi okuka peithajulo.

ISAIAH 51:9 Referans Kwoze

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

LESHELE 89:10

Nono kithikumo toi aghawu Rahab munudaqhi; Nono O küka kumto pesü O ghümi haleve.

ISAIAH 30:7

Ikemu Egypt kukuphu ye ameküha eno abokümsae, tigheno I no li pesü “A-a lo kungou Rahab” ipi kuve tsüae.

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

ISAIAH 51:17

O küdaputhulo, o küdalo, O Zion, puthugho lo, nongu khunoqo Ampeu loghu jukhu lono shojuve akeno, nongu no tipau yekhave eno tipau no o pelo izüvuive peke.

LESHELE 44:1

O Alhou, ni puasüqo no pikeu ni kini lono chiluvae, wovekeu ghuloki lo Nono kiu kümlaqo mla keno chiluvae.

JOB 26:12

Pa küka pesü Pa no azüghi ghasüve; eno Pa lokütsü pesü Rahab kütsave.

LESHELE 7:6

O mlo kighide lono ithulo, O Ampeu; I ghümi loghu shou puthugho lo; I ghenguno ithulo; kuchou xakütha shitsü lo.

HABAKUK 3:13

Nono Ow timi, nukishe luve keqo xaluni ke ghenguno wuke. Nono kixikila kibo lo atou chunuqhi, eno pa kütsü lono apukhu kutolo aphikümsa shivetsü.

ISAIAH 62:8

Ampeu no Pa u ajeu eno Pa u kumto shou no ashoqhi hitoi shivae: “Hinguno hilau ye nongu thi pesü no ghümi tsümae eno inaghami ye no tsaizü shope moae;

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 87:4

Khunono Ni ithi ani keno panoqo dolo I no Rahab ngo Babylon je kuke; Cush gholono Philistia ngo Tyre julo— panongu no pi, “Hipau ye tilau no punu ke.”

LESHELE 44:23

O Ampeu, ithulo! No ye kushiye zü ani kea? No ampi haputhu lo! Alholo ningu milive kevilo!

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 11:17

pi, “Ampeu Alhou akughushuu, Khuu acheni eno acheghi keno, Nino O shikimthi ani, kughengu Nono O küka kije ikhiluve no ayepe thuvae.

Luke 1:51

Pa no Pa u mlo lo aküka pephe; amlo alou no qheza chekemi Pa no kutholevae;

HABAKUK 2:19

Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

ISAIAH 53:1

Ni launo chilu keu khuu no pülü kea? Eno Alhou u khuu piye kea?

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

LESHELE 78:65

Tithiu Ampeu no zü apüzü ithughi keshi ilhethughi; timi akumtomi lakhi aji shove no ighamku akeshive.

LESHELE 21:13

O Ampeu, O kumto lono O süqhelo! Nino O küka shipili eno sheqheni.

XAKUTHAMI 6:13

Gideon no pa vilo pi, “I mpeu, I pelo inijulu pelo, Ampeu no ni gholo aniaye kushiye hi kümtsü ni pelo sholu anipe kea? Eno ni puasü no Paw akümzapu kümla ghili, ‘Ampeu no Egypt lono ni saipeghi ke kumo keshea?’ ipiche keqo khile ani kea? Ikemu itehi ye Ampeu no ni phevae eno ni pesü Midianmi u lo süve tsüae.”

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

John 12:38

ti ye Isaiah tungkupu no pikeu shikupu niyeke: “Ampeu, khuu no ni tsa pülü, eno khuno lau Ampeu küka pephe piye kea?”

LESHELE 59:4

I kipimi küha keghi panongu no I heqhi niye shie. Ithughi no I kuphu lo eno I veküsa ithulu tsülo.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

JOB 9:13

“Alhou ye Pa mlokighide süchilemo nani; Rahab saphu chekemi no Pa qholo itsaqie.

LESHELE 77:5

I no wovekeu tsalaqo eno khaghi mpeqo kümsüjue.

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 44:24

Kushiye No ye O gi küsüpe ani kea? Kushiye No ye ni ghime eno ni qoqhikeu kümsümave ani kea?

LESHELE 89:11

Kungugha ye Ow; ayeghi ghi Ow; ayeghi eno tile akeu kümtsü Nono lhoke.

MICAH 7:15

Nongu no Egypt yeghi lono ipeghike tsala lo toi, I no akümzapu thimeqo panongu piye nani.

Apostolmi 7:7

Ikemu panongu no qeche keu shiye shou I no küghatha nani, eno tithiu panongu no hile ighive no I mlla nani,’