ISAIAH 50:6 - Sumi Naga CL (Re-edited) Bible (BSI)

⁶ I heqhi akemi lau I no I mqa mighe tsüe, I kichimhi phitsü akemi lau I no I gimuchu mighe; I shikujo eno müsüte akemi launo ni ye I gi küsüve moe.

BAIBEL (BSI)

⁶ Iheqhi akemi lau ino imqa mighe tsuke. Panonguno ithaighakeulo niye pano qo lakhamoke, panonguno ikichimhi phivetsu eno igilo musute keulo niye panoqo lakhamoke.

ISAIAH 50:6 Referans Kwoze

MATTHEW 26:67

Tishino panongu no pa gilo müsü puku eno pa chishiqhi. Khami no pa ghaqhi ghi pi,

Mark 14:65

Timi khami no amiti no pa müsüte thuve, eno pa gi nhave tsüno au sükumqope chishiqhi no pa thaigha pi, “Tungkuptsa pilo!” Tithiu ghukhemi no pa sawo heqhi.

Mark 15:19

Panongu no aküsü pesü pa kütsü lo küza puku, eno amiti pesü müsüte no thogha ghi pa zülo qhoqhünhe.

MATTHEW 27:30

Panongu no pa müsüte eno ayeghü küsü pesü pa kütsü lo ghatsüe.

ISAIAH 53:5

Ikemu ni xineqo ghenguno Pa ghüzaveke, niw shikipimi ghenguno Pa ye heqhive; pa shou aghime puku keu huno ni lau aloino keu süghi, eno Pa shou hepuku keu zaku no ni lau shikipivi süghie.

John 18:22

Kughou Jisü no hi pi keno, tile puthugho akemi kijemi lakhi no pa u pesü Jisü gha püzü pi, “No ye hipa gholau no achinetou khochile nani keshea?”

AKUMLO 3:30

ghimeqhi akeu lau agimuchu kugho tsüno thokügha xapulo.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

MATTHEW 5:39

Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

MATTHEW 27:26

Tishino Pilate no panoqo lau Barabbas kuqhophe tsü, eno Jisü küghape ghaqhi püzü yedave penike ikhiphe tsüve.

MICAH 5:1

Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

AKIKIHI 12:14

Ikemu Ampeu no pa vilo pi, “Li papu no li gilo müsüte pukutsü aye, li ye atsala tsüni akukujo lo amasake kumo? Li pesü atsala tsüni aghazü lono khatha pheve no tithiu no sachile iloghilo.”

JOB 16:10

Timi no pano baxa mkupe I ju; I phimo ghi I gimuchu lo ghatsü, eno hekütsüpe I mjochile anie.

JOB 30:10

Panongu no I jupe aphimqhü eno tsütsüngoju ani; panongu ye I gilo müsü pukuni keu ighü chemoe.

LESHELE 69:7

Kughengu O je ghenguno ni ye atiche puqhe püani, akukujo no I gi küzü luvae.

LESHELE 69:8

Ni ye I thiküzümi gholo shoinami lakhi shivae, ni ye I za nuliqo lau inaghami lakhi shivae.

LESHELE 129:3

Alu hokide kemi no I mqa shou no hokide ke; panongu no akulupo kushuo mlake.”

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.