ISAIAH 47:5 - Sumi Naga CL (Re-edited) Bible (BSI)

⁵ Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

BAIBEL (BSI)

⁵ AMPEU no Babilon vilo pi, “Akuzulo eno inaqhoi keulo iqalo; Panonguye ovilo ashiayehqo kuka liu kepi hinguno hilauye pimoake!

ISAIAH 47:5 Referans Kwoze

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’

Piyeküsü 17:18

Eno atotiu nono ithulu keu ye ayeghi lo kükami kümtsü shou qhasüpe achekeu mishighüna akijeu huke.”

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

JEREMIYA 25:10

Tinguno alau I no panongu launo alokivi eno amlokiqi ghügha, külapuu külaliu lokivi ghügha, athikütsüghü tu ghügha eno akulu küvü kümtsü kishekhave tsü nani.

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

ISAIAH 14:4

tileno nongu no Babylon kükau cheqhi nani: “Qhaküsüu ye kishi ikiqive akelae, ayiküsau huye kishekhavae!

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 31:17

O Ampeu, I pelo akukujo lo ilope kevilo, kughengu I no O vilo khu ani; küsaküghami pelo akukujo lo ilove pelo; pano pelo iqüghai Kithigha lo wuve pelo.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.

ISAIAH 21:9

julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

ISAIAH 23:2

O azüghimkü lo Sidon lhidimi no kinimi shilupe keqo, mlolo.

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.