ISAIAH 46:7 - Sumi Naga CL (Re-edited) Bible (BSI)

⁷ Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

BAIBEL (BSI)

⁷ Panonguno abighilo tipau ikhiqhe pe xapuwu cheni; panonguno a-a lakhilo qhi cheni eno tipaulo ghope qhi cheni, tipa alono kutau ithawulu chemoke. Timi khuno tipau vilo inikhuni keno tipauye khochile chemo momu shiluksa lono pa xaluchemo ke.

ISAIAH 46:7 Referans Kwoze

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

JEREMIYA 10:5

Pano julhoqo ye akukali lo aluthu toi, tipaqo ye atsa pimla; ala chemla kehu xapu masae. Tipaqo msa kevilo, kughengu tipaqo ye alhoksa shimlae, momu akivimu shimlae.”

ISAIAH 46:1

Bel no pishiqho; Nebo no itsaqi; pano julhoqo ye tüghashi ngo pichepighiqo ke; thime hipaqo nongu no peche keqo ye lhoxüqo no aghime shi xapu cheni.

JONAH 1:5

Tile zükilu sakichemi ye msave eno pütüta müzülo alhou lau ighamku. Zükilu kümthüni ke panoqo no anhemgha azüghi lo vesüve. Ikemu Jonah ye iqi zükilu chebo alou lo züchei ae.

DANIEL 3:1

Akükau Nebuchadnezzar no ameshoyi julho lakhi mla, tipau ye akiqhelau auxakuchho muku tsüni eno akijelau no auxakuchho küthü. Pa no tipau pesü Babylon lo Dura qayeghi lo ghope qhi.

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

KUKAMI ATUGHIU 18:26

Panongu no amshitsü ikhipe kishekulu shino inaqhe no puchomghü kutolo Baal vilo inikhu, “O Baal, ni khochile tsülo!” Ikemu kiu sütsa mu ighimo, eno khunomu khochile moe. Panongu no akiptia homxa ilhe ae.

SAMUEL ATUGHIU 5:3

Tishiwo thoghiu inaqhe kughou Ashdodmi no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi. Tighenguno panongu no Dagon ikhiqhe luve eno pa-a lo ghope qhive.

ISAIAH 37:38

Pa no pa lhou Nisrokh chineki lo mlla akelono pa nu Adrammelech ngo Sharezer pama no azütakikihi pesü pa ghiqhive. Tithiu pama ye Ararat yeghi lo pove, eno pa nu Esarhaddon no pa thisü luve.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

ISAIAH 40:20

Khuu no athokha lono titoi mlalu moni keno, pa ye mamo kepu sü kishepe ithamo keu julho mla niye kütshakügha kümlami phucheni.

ISAIAH 41:7

Asü kümlami no ameshoyi küiqümi shikumto ani, eno hekümüdü chekeu huno hepha chekeu shikumto ghi ishi pike, “Hi ye alo anie”; eno panongu no tipau ithapemo niye ayishu pesü yetsave.

ISAIAH 41:28

Ikemu kughou I no ju keno, tile khumu kühave aghi; Hipaqo dolo, I no ighiju kelo, khochileni kemi mijekütsümi lakhimu kühae,

ISAIAH 44:12

Ayi kiyiqimi no heküthayi pesü ami lono piti cheni. Pa u kumto pesü ayihesü peqhe no ayi hepha pesü akoghe kughulho cheni. Pa ye müzüthi kelauno akulho shive cheni.

ISAIAH 47:15

Nono kümtsa sasü mla ighi keqo ye hitoi ke, panongu ye o lhothe lono o sasü kümtsa ighivae; tipaqo ye pütüta laghi lo cheni; eno o xaluni kemi küha nani.

KUKAMI ATUGHIU 18:29

Puchomta hecheve eno avela kümllagho do kutolo, panongu no alezüphoi ighamku akemu khunomu khochilemo; khunomu jutsü moe.

ISAIAH 41:29

Julo, panongu kümtsü adoue; pano kümlaqo ye kiumu kumoe, pano julhoqo ye amülhü kümsae.

JEREMIYA 11:12

Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.