ISAIAH 46:4 - Sumi Naga CL (Re-edited) Bible (BSI)

⁴ nongu no kitemi shiveke kutolo, I no nongu Lhou; eno nongu no asa mpaveke kutolo, I no tucho nani. I nongu lhoke eno tucho nani; I no nongu xapu eno xalu nani.”

BAIBEL (BSI)

⁴ Ino nongu Lhou ke nonguno kitemi shike kutolo eno asa mpaveke kutolo ino tucho hiju nanike. Ino nongu kughulhoke eno nongu tucho hiju nani; ino nongu kuphu eno nongu xaphelu nani.

ISAIAH 46:4 Referans Kwoze

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

LESHELE 48:14

tihu ye Alhou ke, alholo eno pülhapuju ni Lhou ke. Pa no alholo ni la kichetsü nani.

IBRIMI 13:8

Jisü Khristo ye ighi, ishi eno alholo aphiphie.

LESHELE 92:14

Panongu ye kitemi shiveke thiu ghi athi pithi cheni panongu ye pülhapuju xüthilei eno mtotoi ke.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

IBRIMI 1:12

chijeboike phi toi Nono tipaqo liküzüve nani, tipaqo ye aphimini toi kilive nani. Ikemu No ye pülhapuju athoke, eno O mpe ye kishekhave monani.”

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

MALAKI 2:16

“Kughengu timi khuu no pa nipu kimiye move no li küghüxaveni keno, Ampeu, Israel Lhou no pi, pa ye aji no pa phimini hedape ani, ipi aqokitikhi Mpeu no pi. Ikehu nongu ye aghungu lono jukuto alo, eno pükhükümla shi kevilo.”

ZAKINIU 1:31

Apu lakhi no pa nu khape cheke toi, Pa no kishi asayeqha lono nongu xapusü hipa-a kutolo ighi keno nongu no ithuluve ake.’

LESHELE 68:19

Ampeu sheqhelo, Pa no tsalakipe ni makho putsü cheni; Alhou ye ni xakuluu ke.

LESHELE 71:9

I no kitemi shive kelo I hapupove kevilo; I kumto hauve kelo I pheve kevilo.

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.