ISAIAH 46:3 - Sumi Naga CL (Re-edited) Bible (BSI)

³ “O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

BAIBEL (BSI)

³ ‘Jakob laghamiqo, itsa inilo, nongu iwu timiqo gholono ghupe puaghikeqo. Nongu punuqhike lono ino nongu tuchohiju cheke.

ISAIAH 46:3 Referans Kwoze

ZAKINIU 1:31

Apu lakhi no pa nu khape cheke toi, Pa no kishi asayeqha lono nongu xapusü hipa-a kutolo ighi keno nongu no ithuluve ake.’

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

LESHELE 71:6

I punu mphi lono ni ye O shou mungu ighivae; I za tita lono ni ikhilu keu huye No ke. I no tave mono O sheqhe ani.

ISAIAH 51:1

“I tsa inilo, nongu achipiu-mikucho phuche keqo, eno Ampeu phuche keqo: atuqu eno atu kuchhuki khileno nongu chitha phelu keno, tipaqo kümsü julo.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

ISAIAH 10:22

Kughengu now timiqo no azüghi lo asaye jehi anamu ghükulumi aghulo likhino ideighi nani. Kütsakungo kepu za ye achipi lono shuphevae.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

IPEKULU 19:4

‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

ISAIAH 46:12

“Nongu kuthovi keqo, achipiu mikucho lono putosüu akeqo, I tsa inilo:

ISAIAH 44:21

O Jacob eno Israel, avehu hipaqo kümsülu lo, kughengu no ye I qeu ke; I no o lhoe; no ye I qeu O Israel, Ni ye o kümsümave monani.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

ISAIAH 10:20

Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

ISAIAH 10:21

Jacob lagha lo ghükulumi aghulo Akughushu Lhou lau ideighi nani.