ISAIAH 45:8 - Sumi Naga CL (Re-edited) Bible (BSI)

⁸ “O atsütsü, tsüghuqhilo, khüngküsü pelo achipiu-mikucho ghuqhi pelo; ayeghi pelo xakulu ngo achipiu-mikucho lhophe pelo; ayeghi pelo hi küma lhoipeghi pelo; Ni Ampeu no lhophe ke.”

BAIBEL (BSI)

⁸ Tsughuqhi akeshi atsutsu lono ino tokulu piqitsu cheni; ayeghino tipau lunike lhaphe nani eno ililai khaqhikeu ngo amikucho xakutha puipeghi nani. Ni, AMPEU no hipau shipe nanike.

ISAIAH 45:8 Referans Kwoze

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

ISAIAH 61:11

Ayeghi no apiti lhophetsü ketoi, eno aghutu no athi yisü püakeu lhophetsü ketoi, Ampeu Alhou no achipiu-mikucho ngo shekiqhe pesü ashiaye kümtsü zülo mini ipeghilu pe nani.

LESHELE 72:6

Pa pelo atsüni kümtsha lo tsütsüghu ghuqhi aketoi eno ayeghi shou ghuqhi aketoi pelo!

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

LESHELE 72:3

Timiqo ghenguno naghuto pelo kinikülü shi ipeghi pelo, eno atoghi pelo achipiu mikucho xathi pithi pelo

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

JEREMIYA 31:22

O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

LESHELE 68:8

Sinai lo Alhou, Israel Lhou, zülo ayeghi no itha, atsütsü no tsütsüghu ghuqhie.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

KUKAMI AKINIU 19:25

“I no khaghi no kughuve pi no ye chimla aphi keshea? I no khaghi no kughuchhove keu ishi no shikupu ani, o pelo aliwo kumto phughiqo hepho pinyive peniye shike.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.