ISAIAH 44:23 - Sumi Naga CL (Re-edited) Bible (BSI)

²³ O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

BAIBEL (BSI)

²³ Kungughaqo, alokivishi ighalo! Ayeghilo aqoh thonheikeu ighalo! Naghutoqo eno aghasulilo asubo kumtsu alokivishi ighalo! AMPEU no pawu timi Israil xalukeu lono pa kughushu pephe piyevae.

ISAIAH 44:23 Referans Kwoze

LESHELE 69:34

Atsütsü eno ayeghi, azüghi eno tile lhoxü kümtsü no Pa sheqhelo.

JEREMIYA 51:48

Tileno atsütsü ayeghi eno tile xüküami kümtsü no Babylon ghenguno alovi ale phe nani, kughengu pano kütsaleni kemi ye ahuu no ighi nani, ipi Ampeu no sheshu.

ISAIAH 49:3

Pa no I vilo ishi pi, “Israel, no ye I qeu, o vecheo I no I jekipipu shinani.”

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 12:12

Tighenguno alovilo, O nongu kungugha lo akeqo! Ikemu nongu ayeghi lo eno azüghi lo akeqo hasapuae, kughengu tüghami ye pa do ikhonheive keu ithi no shishe axuidesü nongu lau iqivae!”

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

EZEKEL 36:8

“Ikemu, O Israel lo naghutoqo, nongu no nongu loka lono mini ipeghi nani eno Iw timi Israelmi ghenguno nongu xathi pithi nani, kughengu panongu ye kighithe aki lo ighive nani.

EZEKEL 36:1

“Timi nu, no ye Israel lo naghutoqo lau tungkuptsa pilo, O Israel lo naghutoqo, Ampeu tsa inilo.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 26:15

Ikemu Nono ni shiye kughuko tsüe, O Ampeu, Nono alughi kümtsü pekhope O jekipipu shivae.

LESHELE 148:7

Kungugha lono Ampeu sheqhelo, nongu azüghi kutho lo lhoxü kijeqo,

EZEKEL 39:13

I no I juküvü pepheke tsalani I no aghakhu lo timi kümtsü no panoqo shiqho nani, eno tino panoqo jekipipu shitsü nani, ipi Ampeu Alhou no asheshu.

Ephesiami 4:9

(“Pa no kunguu iku” ipi kelo, Pa ye ayeghi qhou ashekhau-a lo ghi iqie pini keu nguno kütau kiu kiqi ania?

YEKIKITHI ATUGHIU 16:31

Atsütsü no amlokiqi shilo, eno ayeghi no alovi lo, “Ampeu no ayepe ani” ipi shiyeqo gholo pilo!

LESHELE 65:13

Atsüni-a lo atsüaqu loji no nhakha ani, akhila lo athi no amoqhepe ani, panongu no alokivi lono kümtsa ighamku ale phe ani.

LESHELE 148:9

Naghuto eno atoghiqo, axathibo eno cedarbo kümtsü!

ISAIAH 12:5

“Ampeu no akümzapu mlatsü ke Pa lau shekiqhe le phelo; ayeghiqha kümtsü no hi ithi pelo.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

JEREMIYA 31:11

Kughengu Ampeu no Jacob xachile luvae eno pano nguno akumtomi u lono pa qhüchile luvae.

EZEKEL 35:14

Ikehu Ampeu Alhou no ishi piani: Ayeghiqha kümtsü no alovi akelo I no o pesü küghüküghaleive tsü nani.

IPEKULU 18:9

Ampeu no Israelmi ghenguno akivi mla tsükeu kümtsü ghenguno Jethro no alovive, Pa no Egyptmi u lono panoqo xaphe tsüke.

YEKIKITHI ATUGHIU 16:32

Azüghi eno tipau pichhipe akeu lhoxü kümtsü no ighalo; aluza eno tile akeqo no alovi lo!

YEKIKITHI ATUGHIU 16:33

Tileno aghasa lo asüboqo no Ampeu zülo alokivi shi ale phe nani, Pa no ayeghi lo ayepe nike ighi nani.

LESHELE 69:35

Kughengu Alhou no Zion xalu nani eno Judah mishighünaqo shiqhe tsü nani, timiqo no tile küghüna eno amheghi shiluve nani;

LESHELE 89:13

No ye akughushu küka ani; O u ye akumto, O u ajeu ye qhemghai ke.