ISAIAH 44:18 - Sumi Naga CL (Re-edited) Bible (BSI)

¹⁸ Timi tipaqo ye panongu no kiu shi ani keno mthae eno vethalu chemoe; kughengu panongu nhethi nhavetsü kehu ithumla eno panongu kükümsü nhavetsü kehu vethamla ke.

BAIBEL (BSI)

¹⁸ Timi tipaqoye panono kiu shiani keno mthae eno vethalu chemoe; kughengu panongu nhethi nhavetsu kehu ithumla eno panongu kukumsu nhavetsu kehu kuchou mthake.

ISAIAH 44:18 Referans Kwoze

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

John 8:43

Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

ISAIAH 29:10

Kughengu Ampeu no züchei keu ghungu nongu shou pukuvae, nongu tungkupmi nhethi kiyikhave tsüno nongu kütsü nhave tsüae.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

DANIEL 12:10

Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

AHOLE 28:5

Alhoksami ye kuchou xakütha vethalu chemoe, ikemu khunono Ampeu phucheni keno qhoi ithitoi ani.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

JEREMIYA 10:14

Timi kümtsü anikha eno akighithi kühae; ameshoyi kiyiqimi ye pa no mlakeu julho no shikujo, kughengu pa julhoqo ye kichile, tipaqo lolo atuthu kühae.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

LESHELE 92:6

Küghüzümi ye ithilu chemoe; mbomzümi ye hipau vethaluni chemoe:

ISAIAH 44:9

Ajulho mlaphe chekemi kümtsü ame kühae, eno panongu no azüvü chekeqo ye ala kühae. Panow thopimi ye ithulu eno chilu chemoe, ikehu panongu ye kujove nani.

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

JEREMIYA 51:17

Timi ye kümtsü anikha eno akighithi kühae; ameshoyi kiyiqiu ye pa julho no shikujove cheni, kughengu pa julhoqo ye kichile eno aküxü kühae.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

EZEKEL 12:2

“Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.