ISAIAH 43:3 - Sumi Naga CL (Re-edited) Bible (BSI)

³ Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

BAIBEL (BSI)

³ Kughengu niye AMPEU oLhou ke, Israil Lhou akimtheu, oxakuluu huke. Niye okhaqhiphe nike Ijip pheve nani; Niye Sudan ngo Seba pheve nani.

ISAIAH 43:3 Referans Kwoze

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 45:15

Kuchou No ye Alhou, No ampi küghütshü chekeu, O Xakuluu, Israel Lhou.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

AHOLE 21:18

Kixikilami no Amikuchomi ghenguno ghapheu shicheni, eno pishikiqhimi no akümzümi ghenguno ghapheu shicheni.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

ISAIAH 30:11

alaghi lono ithauvelo, Israelmiw Akimtheu ghili ni vilo pi kevilo.”

AHOLE 11:8

Amikuchomi ye aküküpna lono xaphe luve cheni, ikemu kixikilami ye aküküpna lo ilove cheni.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 20:3

Tishino Ampeu no pi, “I qeu Isaiah no Egypt ngo Cush shou amchipu eno ghutu keu shi ampe küthü aphiau kümsa cheche keshi,

IPEKULU 10:7

Tithiu Pharaoh qemi no pa vilo pi, “Ado khitohi timi hipau pelo ningu kitime apeni kea? Timiqo puwuvelo, tishianguno pano pelo Ampeu pano Lhou huthulu pelo. Egypt ye kütsavae pi no ye vethamla aphi keshea?”

BOTHUBO 10:7

Cush nuliqo: Seba, Havilah, Sabtah, Raamah, eno Sabteca. Raamah nuliqo: Sheba ngo Dedan.

ACHINE 11:44

Ni ye Ampeu nongu Lhou ke. Tighenguno nongu kishekimthe pe akimthe shilo, kughengu Ni ye akimthe ke. Ayeghi lo itikiche eno lülüshi keu lhoxü jeli pesü nongu ampi shikuchhube moni.

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 63:8

Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

JEREMIYA 16:21

“Tighenguno, julo, I no panongu pelo ithi peni, ghuthu lakhi I no panongu pelo Ni ye aküka eno akumto kepi ithi peni, eno panongu no I je ye Ampeu kepi ithi nani.”

EZEKEL 39:7

“I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

AMUS 9:7

Ampeu no pi, “O Israelmi, I ghenguno nongu ye Cushmi toike kumo keshea?” “Israelmi ye I no Egypt lono saipeghi, Philistiami no Capthor lono, eno Syriami no Kir lonoke kumo?

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.