ISAIAH 42:15 - Sumi Naga CL (Re-edited) Bible (BSI)

¹⁵ I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

BAIBEL (BSI)

¹⁵ Ino atoghi ngo naghutoqo kutsaleni eno atsani ngo asuboqo ighuyive penike. Ino aghoki khila pesu asayeqha kughulhoni eno ayizu kuchoqo puthovetsuni.

ISAIAH 42:15 Referans Kwoze

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 44:27

Khuu no akuthoku vilo, ‘Qhaivelo; I no o züghi chethove tsüni’ ipi kea?;

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 16:18

Tileno tsütsüpha kulouve, tsütsüküsü ghügha no vekipighi igha, eno ayeghi küghütha kije ipeghi, paküta keu yeghi küghütha kehu timi xülo titoi keu ye khilemu ighiju mphie.

Piyeküsü 16:12

Kungumi akütsüghou no pa bohu pesü Euphrates ghoki kije lo leqhi, ikelo kipelau no kükami chekeqo ghenguno ala shetsüni kehu tipau zü qhaive tsü.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

HAGAYI 2:6

Kughengu aqokitikhi Mpeu no pi: Itaghi ado hami thiu, I no atsütsü ngo ayeghi, eno azüghi ngo qhaike yeghi süküthü nani.

EZEKEL 38:20

Azüghi lo akha, atsütsü lo aghau, aluza lo tüghashi, ayeghi lo itikiche, eno ayeghi lo timi kümtsü I zülo khokhoshi nani. Naghutoqo no ikiqive nani, anhepho no ipaiqive nani, eno aliwo tupi kümtsü ilaqive nani.

JEREMIYA 4:24

I no naghutoqo jukelo tipaqo ye itha ae, eno atoghiqo no sükujokiji ae.

ISAIAH 49:11

I no Iw naghuto kümtsü alaghi kughulhove nani, eno I laghila shikithe nani.

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

ISAIAH 41:15

Julo, I no o pesü ashu kithe, mtsüsüi eno tsüghaminhei keu athi kütsüghütu shi nani, nono naghutoqo tsüghü eno kubopinyi nani, eno atoghiqo amuu toi shivetsü nani;

EZEKEL 38:19

Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.