ISAIAH 41:27 - Sumi Naga CL (Re-edited) Bible (BSI)

²⁷ Ni, Ampeu no atüghüushi Zion vilo, “Julo panongu hilau cheni” ipike! I no Jerusalem vilo asütsa kithe pi puwue.

BAIBEL (BSI)

²⁷ Ni, AMPEU no atughushi Zion vilo hipa sutsa kithe pike; Ino Jerusalem lo aqemi lakhi puwuno ishi pipeke, ‘Nowu timiqo cheni! Panonguye akilo cheni!’

ISAIAH 41:27 Referans Kwoze

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

ISAIAH 48:3

“I no khaghino pichho tsüe; I kichi lono I no sheshue; paikhavi tipaqo ye shikupuve.

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Rommi 10:15

Atsapemi puwumo keloye kishino panongu ye asheshuni kea? Ti ye ishi yepüake toi, “Atsakiviu sheshu chekemi pukhu ye kiu toi jukivi kelae!”

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.