ISAIAH 41:10 - Sumi Naga CL (Re-edited) Bible (BSI)

¹⁰ I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

BAIBEL (BSI)

¹⁰ Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 41:10 Referans Kwoze

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

FILIPIAMI 4:13

Khristo no I shikumto keu vecheo ni ye thokha shilu nani.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 63:8

I ngulho no O mtupe ani; I no O u ajeu sünhepe ani.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

LESHELE 145:14

Veqhive niye akemi Ampeu no sünheqhe cheni eno khunono qhoqhü itsaqi ani keno pano xaqhe cheni.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 60:19

Khetsünhe ye puchou nongu küvü shimoae, momu putho lo aqhi ye nongu küvü shimoae, kughengu Ampeu no shekhaha nongu küvü shiniae, eno nongu Lhou no nongu juküvü shinani.

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

LESHELE 37:24

pa no küpxalu namu ikiqi veqhive monani, kughengu Ampeu u no sünheqhe luve cheni.

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

LESHELE 37:17

Kughengu kixikilami umlo ye hechheve tsü nani, ikemu amikuchomi ye Ampeu no sünheqhe luve cheni.

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

LESHELE 144:11

Inaghami u lono I xaphe eno I xalu tsülo, panongu kichi ye akimki tsa picheni eno pano u ajeu ye pishikiqhi u ajeu ke.

LESHELE 41:12

Ikemu I kikhi ghenguno Nono I xaqhe nani, eno O zülo alhokupuju ngolupe nani.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

Luke 1:30

Kungumi huno li vilo pi, “Msa kevilo, Mary, kughengu no ye Alhou lopu shiluvae.

LESHELE 147:12

Ampeu sheqhelo, O Jerusalem! Ampeu sheqhelo, O Zion!

YEKIKITHI ATUGHIU 12:18

Tile aghütomi shighi dolo atou timi lakhi Amasai, ipikeu shou Alhou Ghungu ikughive no pa no pi, “O Jesse nu David, ningu ye ow, eno o gholo anie, O David! O gholo eno o kukuphumi lau aloino keu alo, kughengu o Lhou no o kuphu achenie.” David no panoqo saluve no paw ghüshimi mqo lo kijemi shivepe.

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

LESHELE 144:8

panongu kichi no akimki tsa picheni, eno panongu u ajeu ye pishikiqhi u ajeu ke.

HOSIYA 1:9

Eno Ampeu no pi, “pa je ye Lo-ammi kutsülo, kughengu nongu ye Iw timi kumoe, eno Ni ye nongu Lhou kumoe.”

BOTHUBO 31:5

eno pama vilo pi, “I no ithivae nokujo papu ye püzüu toi I lau agigihu kühavae. Ikemu I pu Lhou no I gholo anie.

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

ISAIAH 50:9

Julo, Ampeu Alhou no I kuphu cheni, khuu no ni ye küqüvae ipilu nani kea? Julo, I nguku akemi kümtsü aphimini toi ixüve nani; Apila no chupühave nani.

DANIEL 6:16

Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 10:12

Tileno pa no I vilo pi, “Msa kevilo, Daniel, kughengu nono o mlo tsüqhiyi vethaluni ye pükapütsa keu eno o Lhou zülo aqhokighe shi ighikeu tsala hukuthu lono o tsa chiluve tsüae, eno ni ye o tsa ghenguno ighi anie.

HAGAYI 1:13

Ikehu Ampeu tsapeu Haggai no timiqo vilo Ampeu tsa pesü pi, “Ni ye nongu gholo ani, ipi Ampeu no sheshu ani.”

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

XAKUTHAMI 6:16

Ampeu no pa khochile, “Ikemu I no o gholo anani, eno timi lakhi heqhi akeshi nono Midianmi kümtsü heqhive nani.”

SAMUEL AKINIU 22:19

I mhekiqi lo panoqo no I mghoe, ikemu Ampeu no I saphutsüe.

LESHELE 18:36

Nono I pukhu kinepu qholo a-a ililai ghope qhitsü, eno I pukhu ye nekiphe pemoe.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

ISAIAH 37:6

pa no panoqo vilo pi, “No kükau vilo pilo, ‘Ampeu no ishi piani: Assyria kükauw apumiqo no kiu tsa pesü I thaigha keno, no ye ti chilupe msaichi kevilo.

AKUMLO 3:57

I no O ku kelo Nono kupunu ighi no pi, ‘Msa kevilo!’

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.