ISAIAH 40:28 - Sumi Naga CL (Re-edited) Bible (BSI)

²⁸ Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

BAIBEL (BSI)

²⁸ Nonguye mtha kesha? Nonguye chimla kesha? AMPEU ye alhokuthu achekeu Lhou ke; pano ayeghiqha lhopheke. Paye khilemu akulhoshive momu qeinaive chemo. Khunomu pa kukumsu vetha lukha chemoe.

ISAIAH 40:28 Referans Kwoze

LESHELE 147:5

Ampeu ye kije, eno akughushu küka ani; Paw vethakulu ye mighi khamlae.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

ISAIAH 40:21

Nongu ye mtha eno chimla keo? Inahuu ayeghi boqha ghüke lono nongu vilo pimo eno vethamla keshea?

1 Kor. 2:16

“Kughengu khuu no Ampeu kükümsü ithi anie pino Pa mije tsüluni kea?” Ikemu ningu ye Khristo kükümsü ni lolo ani.

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

BOTHUBO 21:33

Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

Luke 24:25

Tile pa no pama vilo pi, “O mbomzümi, tungkupmi no hi kümtsü pikhave keghi nongu ye pülüni ke kishita qeinai kelae!

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

LESHELE 139:6

Titoi keu kighithi ye I ghenguno shishe akümzapu ke; ti ye qhemghai ke, ni ye tipau iku tomlae.

Apostolmi 13:47

Kughengu Ampeu no hitoi azah ningu tsüvae, “‘I no o pesü Jewkumomi küvü shive tsüae, tishianguno nono ayeghi shekha kutolo xakulupu saghi nani.’”

John 5:17

Ikemu Jisü no Jewmi khochile, “I pu ye itehi kutolo mla ani eno Ni ghi mla anie.”

Mark 16:14

Ado hami thiu akhopemi chighiqhaqhi no aghulhu shi ake lono pa no ipeghi, eno panoqow pülükümla ngo amlo kümka ghenguno pa no sakiyi, kughengu pa no xüthughive kethiu pa ithulu keqo tsa panongu no pülü moke.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

LESHELE 138:8

Ampeu no I ghenguno Pa kimji shikupu tsü nani; O Ampeu, Ow iqemokeu kikimiye ye alholo acheni. O u no mla keqo pheve kevilo.

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

1 Kor. 6:16

Ikeo nongu ye milakhi no kütüqhalimi sasü ashiaji küqha aye pa ye li sasü ashi lakhi shivae pi mtha kea? Kughengu, ishi yepüake toi, “Pama ye ashi lakhi shive nani.”

Mark 9:19

Jisü no panoqo vilo pi, “O aküpülü küküha tiqhelimio, ni ye khitohi nongu gholo anani kea? Ni ye khitohi nongu khea lopi kea? Anu hilau saghi lo.”

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

ISAIAH 66:9

Ampeu no pi, Ni ye li pelo punu penike kupunukhoive no punu pemove kepu keshea?” Nongu Lhou no ishi iniju ani, “Imaye I no punulu penike khaqhitsü chekeu huno atita khave tsüni keshea?”

LESHELE 145:3

Ampeu ye kije, eno akiqheu lono Pa sheqhe kepue; Pa kughushu ye phukümlapue.

ISAIAH 37:26

“I no khaghi no kughupe qhive keu no ye chimla aphi keshea? Ishi kiu shikupu ani keno, ti ye I no püzüu no kughuchhove ke, ikehu nono aliwo kuptu phughiqo hepho ilo mukhumuno shilue,

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

JOB 38:18

Ayeghi ye khipahi keno no ye ithikuthu luve akeshea? Nono hi kümtsü ithi aghi aye piphelo.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.