ISAIAH 40:17 - Sumi Naga CL (Re-edited) Bible (BSI)

¹⁷ Pa zülo shiyeqo ye kiumu kumo, Pa ye tipaqo pe abokümsa nguno akimkheu shi kihi cheni.

BAIBEL (BSI)

¹⁷ Pa ghenguno ashiayehqoye kiumu kumoke.

ISAIAH 40:17 Referans Kwoze

LESHELE 62:9

Akuchunimi ye atuthu kishedo lakhie; qhemghai xü chekemi küxü ye pishikiqhi ke; pama no ahu kimghi lo ikujue; pama kümtsa mighiju kelo atuthu kishe nguno akümthüue.

ISAIAH 29:7

Eno shiye kitikhi khijeno Ariel sasü küpüghü no aliwo hepho ilo khasüpe ani keno, ti kümtsü putho lo pumolu keu samo toi haukhave nani.

2 Kor. 12:11

Ni ye küghüzümi shiauvae! Nongu no I sheqhe kepu kelaye anguka lono I pelo aghüzüu shivepe ae. Kughengu I no kiumu kumo namu ni ye kiu lonomu hu akighiche apostolmi ipi chekeqo nguno akuchuniu ye kumoe.

JOB 25:6

tishiaye ayeghi lo pithe kimihiu timi ye tinguno akimkheue!

ISAIAH 2:22

Timi shou pükhübe kevilo, kughengu pa ye atuthukishe kumo aye kiu meküapu ani kea?

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”