ISAIAH 37:16 - Sumi Naga CL (Re-edited) Bible (BSI)

¹⁶ “O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

BAIBEL (BSI)

¹⁶ “Akughushu MPEU, Israil Lhou, kerubim shou akuka lakhulo iqa akeu, olikhino Alhou ke, ayeghiqhalo akukaqha kumtsu shou ayehpe akeu. Nono ayeghi eno atsutsu lhopheke.

ISAIAH 37:16 Referans Kwoze

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

IPEKULU 25:22

Akünha sholo ashepe bohu shou cherubim kini akeu mta lono I no o sasü kushoni, Israelmi ghenguno I no azakütsü o tsüniye akeu vehu I no tileno o vilo pini.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

SAMUEL ATUGHIU 4:4

Ikehu Shiloh lono aqokitikhi Mpeu, Khuu Cherubim küka lakhü shou akeno Paw Puloshoqhi Bohu peighive. Eno Eli nuli, Hophni ngo Phinehas pama ye Alhouw Puloshoqhi Bohu gholo ae.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

Kolosiami 1:16

Kughengu pa vecheo kungugha lo eno ayeghi shou, ithukulu eno ithukümla, kükalakhü, kükaqha, yepemi, kükagha kipemi—thokha kümtsü pa vecheo eno pa ghenguno lhoke.

John 1:3

Pa vecheo thokha lho eno Pa sümo keloye kiumu lho püamoe.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

ISAIAH 8:13

Ikemu nongu ye aqokitikhi MPEU no akimthe kepi gihuni. Nonguw sükümsa eno agigihu ye Pa tsüni.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

KUKAMI AKINIU 5:15

Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

KUKAMI ATUGHIU 18:32

Eno tipaqo pesü Ampeu kümlla khache mla, eno tipau homxa ghi azülaki mlave, azü liter shighi qhemi khepucho kulupu heve.

SAMUEL AKINIU 7:26

Eno O je ye alholo kije shikithe pi nani, ‘Aqokitikhi Mpeu ye Israel Lhou ke,’ eno O qeu David lagha ye O zülo mtotoi nani.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

BOTHUBO 1:1

Abothu lono Alhou no atsütsü ngo ayeghi lhoe.

EZRA 1:3

Nongu gholo Paw timi aghi keu ye pa Lhou no pa gholo apenike pa pelo Jerusalem, khikhi Judah lo ani keno, tilau iqho pelo, eno Ampeu, Israel Lhou, khuu Jerusalem lo ani keno, Pa ki shiqhe kithe pelo.

ISAIAH 37:15

Eno pa no Ampeu vilo inikhu:

ISAIAH 40:22

Ayeghi bocho shou achekeu noke, ayeghi lo küami ye tülhaqu toie; Pa no nhaqhiphi toi atsütsü xachho eno aphiki toi tshüpe qhi cheni;

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

KUKAMI ATUGHIU 8:6

Tishino achinemi no Puloshoqhi bohu pesü Shishe Akimthe-a Cherubim chishibo sükhope akeu qholo qhive.