ISAIAH 37:12 - Sumi Naga CL (Re-edited) Bible (BSI)

¹² I puasüqo no Gozan, Haran, Rezeph, eno Edenmi khunoqo Telassar lo ache keno, hipaqo kütsale kelo pano lhouqo ye panongu xaphelu keshea?

BAIBEL (BSI)

¹² Ipuasu qono Gozan, Haran eno Rezef phughiqo kutsakhavae eno Bethedenmi Telasar lo achekeqo pithikhaveke eno panoqo lhou lakhimu panoqo xamlaveke.

ISAIAH 37:12 Referans Kwoze

BOTHUBO 11:31

Terah no pa nu Abram, pa tilimi Haran nu Lot, pa nu Abram nipu eno pa mukishiu Sarai, ishi sasü kümtsa Chaldeami yeghi Ur lono Canaan yeghi lo wuniye cheve, ikemu kughou panongu no Haran lo ighi keno, panongu no tile xüsüve.

Apostolmi 7:2

Stephen no pi, “Athiküzümi eno apunoqo, I tsa inilo. Ni sü Abraham no Haran lo xüsü mphi züu Mesopotamia lo akelono, ajuküvü Lhou no pa lau ipeghi,

KUKAMI AKINIU 19:12

I puasüqo no shiye kütsave keqo Gozan, Haran, Rezeph, eno Telassar lo Edenmi akemi lhouqo ye pano xaphelu keshea?

KUKAMI AKINIU 18:11

Assyria kükau no Israelmi küghape Assyria lo wove eno Halah lo qhive, khami no sawo Gozan ghoki Habor lo qhive, eno Medes lo mishighünaqo lo ngovepe.

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

AMUS 1:5

I no Damascus khagho khadu kubove tsü nani, eno Aven Khila lono xüküami ikhive nani, Beth-eden lo kükaküsü pe akeu eno Syriami ye Kir lo haphe sawuve nani,” ipi Ampeu no piani.

EZEKEL 28:13

No ye Eden, Alhou ghutu lo ache; akughupu tu jeli no o küzüpe ache, sardius, topaz, eno mlaputu, beryl, onyx, eno jasper, sapphire, emerald, eno carbuncle; ameshoyi no meda eno kixi puku o nanu shiche. O lhoke tsalani no tipaqo kutope qhitsüe.

EZEKEL 27:23

Haran, Canneh, Eden, Sheba, Asshur, eno Chilmad lo lhidikishimi no o sasü lhidi shike.

ISAIAH 36:20

Aghakhu hipaqo lhou dolo khuu no I u lono pano yeghi hakholu püanie pi Ampeu no I u lono Jerusalem xaphelu nanie piani kea?’”

BOTHUBO 29:4

Jacob no panoqo vilo pi, “I thiküzümiqo, nongu ye khilano ighi kea?” Panongu no pi, “Ningu ye Haran lono ighie.”

BOTHUBO 28:10

Jacob no Beersheba qhive no Haran küdau wuve.

BOTHUBO 12:14

Kughou Abram no Egypt lo iloghi keno, Egyptmi no totimi huye ighono ajukivi shi ithulu.

BOTHUBO 2:8

Ampeu Alhou no kipelau Eden lo aghutu lakhi qhitsüno Pa no timi khuu lhophe keno tile qhive.

ISAIAH 37:13

Hamath kükau, Arpad kükau, Sepharvaim kükau, Hena kükau, eno Ivvah kükau, hipaqo ye khilave akea?’”

BOTHUBO 11:32

Terah mpe ye 205, eno Terah ye Haran lono thive.

ISAIAH 36:18

Tsükhüi lo tikumo aye Hezekiah no, “Ampeu no ningu xaphelu nani” ipikeu lono nongu saküghüzüve nosae. Shiyeqo lhou khuana no Assyria kükau u lono pano yeghi xaphe püanio?

ISAIAH 36:19

Hamath ngo Arpad lo alhouqo ye khile ani kea? Sepharvaim lo alhouqo ye khilave akea? Panoqo ye I u lono Samaria xaphelu keshea?