ISAIAH 34:8 - Sumi Naga CL (Re-edited) Bible (BSI)

⁸ Kughengu Ampeu no amkhü lutsü nike, Zion ghenguno tha-lo tsünike ado kughu püani.

BAIBEL (BSI)

⁸ Hiye AMPEU no Zion xaphelukeu ghulokike eno pa ghumiqo shou amukhu lu nani.

ISAIAH 34:8 Referans Kwoze

ISAIAH 63:4

Kughengu amkhükulu tsala ye I mlo lo ani, eno I no xaluni keu mpe ye ighivae.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

MICAH 6:1

Ampeu no kiu piani keno inilo: Ithulo, naghutoqo zülo o tsakükügha süghilo, atoghiqo pelo o sütsa ini pelo.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

Piyeküsü 14:11

Panongu pitikeu michhi ye pülhapuju eno alholo phoiku anani. Tüghashi eno tipau julho kümllami, eno khukhumu tipau michipu ithuluve kemi ye putho lo na puchou namu akulhokiqhi ithumla nani.”

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 47:3

O phikümsa pephe piye nani, eno o kukujopu ithulu nani. I no amkhülu nani, eno khuu kipimi mu qhitsümo nani.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

JOYIL 3:4

“I zülo nongu ye kiu kea, O Tyre ngo Sidon, eno Philistia tokukujo lo akeqo? Nongu ye kiuala ghenguno I lochile ani keo? Tsala nongu no I lochile aghi aye, I no mtazü eno papashi nongu lochileve nani.

ISAIAH 13:9

Julo, aloghu ngo axukighide pesü ayeghi küghüküghaleive tsüno tile axinemi akeqo kütsave nike Ampeu tsala ayiküsapu shi cheni.