ISAIAH 33:17 - Sumi Naga CL (Re-edited) Bible (BSI)

¹⁷ Nongu no akükau jukivi eno no yeghi qhakuchho ithulu nani.

BAIBEL (BSI)

¹⁷ Itaghi ghuthu lakhi akukau lakhino ajekipishi ayehpe keu nonguno ithulu nani eno putou kutolo pa yeghi jochho akeu ithulu nani.

ISAIAH 33:17 Referans Kwoze

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

ISAIAH 37:1

Akükau Hezekiah no ti chilu kemtsa, pa phimini süxüve eno yeqhiyephi pepuve no Ampeu kilo ilove.

ISAIAH 26:15

Ikemu Nono ni shiye kughuko tsüe, O Ampeu, Nono alughi kümtsü pekhope O jekipipu shivae.

ALE KIMCHI 5:10

I qhuu ye puyelei eno choshiyi, qhethonhe chighi gholo ghi akimchi.

LESHELE 45:2

Timi nuliqo gholo shishe aju-akoghe akiviu ye noke; o mütsü lono küpükini qole ipeghi; tigheno Alhou no alhokupuju o kümghave tsüae.

LESHELE 31:8

eno No ye aghümi u lo I phesüve mphi; Nono I pukhu pesü ililai ke-a lo ghope qhitsüe.

YEKIKITHI AKINIU 32:23

Timi kutomo no Jerusalem lo Ampeu lau agho peighi tsü, eno akughupu thimeqo pesü Judah kükau Hezekiah tsüno tinguno tilau ye shiye kümtsü no pa süqhe.

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

JOB 19:27

Pa no I phivilo aghikeu ni ampi no ithulu nani, tüsümi kumoe ikemu I nhethi no tsaqüi Pa ithulu nani. Ni ye ti huqhe anipi lhouvae!