ISAIAH 31:2 - Sumi Naga CL (Re-edited) Bible (BSI)

² Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

BAIBEL (BSI)

² Paye kiu shiani keno pano ithi ani! Pano kutsakungokeu puwu, pano alhoksami ghimeqhinike eno tipanoqo susho chekemi ghimeqhinike shikichikeu pano peitha cheni.

ISAIAH 31:2 Referans Kwoze

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Rommi 16:27

Khuu likhino alokütsü Lhou keno, Jisü Khristo vecheo pülhapuju lo ajuküvü Pa lau apeniu! Amen.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

EZEKEL 29:6

Tileno Egypt lo küxümi kümtsü no Ni ye Ampeu kepi ithi nani. “Nono Israel kibolomi ghenguno ayeghü küsü shike ghenguno

JEREMIYA 36:32

Ikehu Jeremiah no liküküzü kaku kütau pesü Neriah nu akiyeu Baruch tsü. Eno Baruch no Judah kükau Jehoiakim no pitive tsükeu liküküzü kaku lo Jeremiah no shetsü keu tsa kümtsü yesüve. Atsa kimihi keu kutomo tipa gholo süküqhave.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

ISAIAH 32:6

Kughengu mbomzümi ye anikha tsa picheni, pa ye Ampeu shou akumou pi-shiniye eno chuqu-kusho pesü müzü tüghü akemi ghapiqi tsümo niye pa mlo no akimighi shi axine kuchughu acheni.

ISAIAH 31:3

Egyptmi ye Alhou kumono timi, panow khurshi ghi ashi phimpi kethono aghungu kumoe. Ampeu no Pa u chhopuwo kelo akukuphu tsü akeu ngo ithulu akeu kinikujo ikiqi pühave nani.

ISAIAH 30:3

Ikemu Pharaohw sükusho huno nongu kukujopu shive nani, eno Egypt kicheqho huno nongu tichetighepu shive nani.

ISAIAH 28:21

Perazim Toghi, Gibeon Khila lo toi Ampeu no paküta keu eno thosülo shichemo keu kümla shinike axuide ithughi nani!

ISAIAH 22:14

Aqokitikhi MPEU ampi no I kini lo pisüvae, “Mtsüqheino nongu no thimoke kutolo hipau xine peve tsümo nani.”

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.

JOSHUA 23:15

Ikemu Pa no nongu ghenguno akivi piqhi keu kümtsü shikupu ketoi, Ampeu no nongu kütsakhave moke kutolo Pa no alhoksa kümtsü nongu shou puku nani,

AKIKIHI 10:35

Puloshoqhi Bohu pesü wuni kelo Moses no piche. “Ithulo, O Ampeu, O ghümi hapupove tsülo, eno O mithi chekemi pelo O zülono pove pelo.”

JOB 5:13

Pa no amqükinimi küghape pano lichhe lono meluve cheni, eno chighichilai kemi kukughu ke-i kishekhave tsü cheni.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

ISAIAH 14:20

Nono ow timi ghiqhive eno o yeghi kütsapinyive ke ghenguno no ye kükami kütami gholo shiqhomo nani. “Küsakügha polo kughukomi ye khilemu jekukithe pemoniu!

ISAIAH 28:29

Hi ghi aqokitikhi MPEU launo ighi, Pa lokütsü ye akighiche eno Paw mijekütsü ye akümzapue.

JOB 12:13

“Alhou gholo alokütsü ngo akumto ani, Pa ye mijekütsü ngo vethakulu ghi ani.

JOB 12:16

Akükakumto ngo mtsümishei keu lokütsü ye Pa gholo ani; pishiqhive kemi ngo pishikiqhimi pamagha Paw ke.

ISAIAH 21:17

Eno Kedar lo asüzü kipemi akumtomi achili aghi keqo ye aghulo likhive nani, kughengu Ampeu, Israel Lhou no pivae.”

ISAIAH 30:7

Ikemu Egypt kukuphu ye ameküha eno abokümsae, tigheno I no li pesü “A-a lo kungou Rahab” ipi kuve tsüae.