ISAIAH 3:26 - Sumi Naga CL (Re-edited) Bible (BSI)

²⁶ Aphughi khagho no mloqa iju nani; eno aphughi no aphikümsa ayeghi lo iqa nani.

BAIBEL (BSI)

²⁶ Aphughi kuptu kikhano mloqa ighamuku nani eno aphughi huye totimi lakhi aphimini xavetsu puzu ayeghilo iqa akeu toive nani.

ISAIAH 3:26 Referans Kwoze

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

JEREMIYA 14:2

“Judah no mlo ani, eno li khaghoqo no qhaighoivae; timiqo no ayeghi lo ihi mloqa, Jerusalem no ighamku ani.

AKUMLO 1:4

Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

JOB 2:13

Panongu no putho pucho atsala tsüni kupuju pa gholo iqave, eno khunomu atsa lakhimu pa vilo pimoe, kughengu pa ghime ye ihulokeu shi panongu no ithulue.

Luke 19:44

Panongu no no eno o gholo atianuli kümtsü kütsave tsü nani, eno nono o xukuju ghuloki ithi move kehu o phughi lo atu lakhino lakhi shou küqape qhitsümo nani.”

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

JOB 2:8

Job ye pa piyi chuxa kepu alitsa tachu pesü ayevu lo ihiuve.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

MATTHEW 11:17

“‘Nino no ghenguno fulili igha kemu nongu no ilhemoe; nino akumlo le phe kemu nongu no amloiju moe.’

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

ISAIAH 14:31

Mloqa lo, O khagho, ighamku lo, O aphughi; Philistiami kümtsü no akümsa lono akhonhe küghalo! Kughengu ahuu no akuqhu phoboi cheae, eno tile anisüu ye lakhimu chemoe.

ISAIAH 29:2

Ikemu I no Ariel khasüve nani, tile amloghuju eno akumlo anani, tipau ye aghakishi-a toive nani.

ISAIAH 33:9

Ayeghi no itamjui mloqa ani; Lebanon ghasü no kujoqhiyi hailovae; Sharon no asayeqha toivae eno Bashan ngo Carmel no ighiqivae.

JEREMIYA 15:8

I no azüghi lo asaye nguno alau chimemi kutomo shive tsüae; I no puchomghü lono apumi paza noqo kütsave nike saghivae; I no züleno amlo ghuju ngo akümsapu pesü panongu shou pukue.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

AKUMLO 2:8

Ampeu no Zion liwo kütsaveni ke mtsüqhei shivae; Pa no akimghipu süta xachho; Pa ye kütsani keu lono Pa u süchileve moe; aqoghe ngo aliwo pelo mloqape; tipaqo no kümtsa ikiqi khave.

EZEKEL 12:20

Küghüna akeu mishighünaqo ye kütsave nani, eno ayeghi ye küghüküghaleive nani; eno nongu no Ni ye Ampeu kepi ithi nani.”

MICAH 1:9

Kughengu li zaku ye shipivi kümlapu shivae, eno ti ye Judah lau ighivae; tipau ye Iw timiqow khagho eno Jerusalem tovae.

ISAIAH 32:14

Kughengu kükaki ye yenguyive no mishighüna ye pighivae; akiqhe-a ngo qogheki ye alholo tüghashi ki ilhouve nani, khurha lokivipu eno pichepighi sala achu kümza-a shive nani.