ISAIAH 3:12 - Sumi Naga CL (Re-edited) Bible (BSI)

¹² Angakughunuqo no Iw timi nedaqoda auvae, eno totimiqo no pano shou ayepe auvae. O Iw timiqo, now lapiyemi no nongu sabide ani, eno nongu laghi shiküghüzüve tsüae.

BAIBEL (BSI)

¹² Pisa kupunamino iwu timiqo qaqhike, eno iwu timi qono api lokepushi akeqono panoqo pishiqhike.

ISAIAH 3:12 Referans Kwoze

ISAIAH 3:4

I no itimiqo pesü panow sakiphemi shitsü nani, eno angakughunuqo no pano shou ayepe nani.

NAHUM 3:13

Julo, ow ghüshimiqo ye topumiqo toike. O yeghi lo khaghoqo ye o ghümi lau khaqhi püani; ami no o khaduqo pitive tsüae.

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

KUKAMI AKINIU 11:1

Kughou Ahaziah paza Athaliah no li nu thive keu sütsa chilu keno, li no akükau kibolomi kümtsü pithive.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

JOB 30:13

Panongu no I la chhuthave tsüno I kütsaqhi nike kuchughu keu lo kütami kukuphu sümono toluvae.

AHOLE 28:16

Yepemi vethakulu küha keu ye ayiküsa shi nedaqoda cheni, ikemu akumou lono ala shikeu mithi chekemi ye axüshu nani.

YETSAPIU 10:16

O aghakhu, o kükau no itimi shi aghi, eno ow yepemi no inaqhe no tule-pele chusho thuve aye o hasapue!

ISAIAH 19:14

Ampeu no pano dolo kübangü keu kükümsü süve tsüae, shokümzümi no pa kumghu nekiphe keshi panoqo no Egypt pelo ala kümtsü lo nekiphepe nani.

ISAIAH 51:22

Ampeu o Lhou, Paw timi ghenguno qhüiniju chekeu no ishi piani, “Julo, I no o u lono Pa no izüvuive chekeu jukhu ikhiluvae; no ye I loghu chithakhu lo shokithe moae;

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.