ISAIAH 29:1 - Sumi Naga CL (Re-edited) Bible (BSI)

¹ Ariel, Ariel, khikhi David no khasü keno aphughi huye ahae! Ampe atsütsü tiqhetini jeli pini alo.

BAIBEL (BSI)

¹ Alhou wu akipti khache Jerusalem ye ahakusapuke! David no khilehi aphiki shipe ngokeno tiye hasapuke! Ampe lakhi ighieno wove pelo, tipaulo kuchukusho ngo tiqhetini shi

ISAIAH 29:1 Referans Kwoze

SAMUEL AKINIU 5:9

David no sükusho-a lo ngoluve eno tipau pesü Davidw mishighüna ipi kuvetsü. Pa no Millo kümtsü homxa mishighüna shiqhe pukuve.

HOSIYA 9:4

Panongu no Ampeu lau atsaiji kümllagho tsümo nani, eno pano ghakishi ye Pa lopiqi tsümla nani. Ti ye mloqa akemi sho toi, tipau chukemi kümtsü kitiqeve nani; kughengu pano sho ye panongu müzü ghengu likhino ke; tipau ye Ampeu kilo peighimo nani.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

IBRIMI 10:1

Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

JEREMIYA 7:21

Aqokitikhi MPEU, Israel Lhou no ishi piani: “No ghakishi gholo akipti kümllagho süküqha no ashi chulo.

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

ISAIAH 29:9

Aghüji no veve keshi izüvui alo, nongu nhethi kighiche alo! Atsaiji shomomu shomzü alo; aji kümka shomomu nanashi alo!

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

ACHINE 23:4

“Kihitha tsükeu tiqhetini hipaqo ghuloki lo sheshuni.