ISAIAH 27:8 - Sumi Naga CL (Re-edited) Bible (BSI)

⁸ Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

BAIBEL (BSI)

⁸ AMPEU no pawu timiqo halevekeulo wuvepekeu pesu panoqo ghimeqhike. Pano kipelauno amlhu yikusa pelono panoqo pewuve peke.

ISAIAH 27:8 Referans Kwoze

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 4:11

Tipa ghuloki lo timi hipaqo eno Jerusalem vilo pi nani, “Asayeqha lo agha itsümo keu toghi lono amülhü kushu Iw timi ilimiqo küdau fupuku, ti ye fule nike momu shikimthe nike kumo,

1 Peter 1:6

Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

HOSIYA 13:15

Pa no pa thiküzümi gholo miniboi aghi namu, kipela mülhü, Ampeu mülhü, no yenguyike-a lono ighi nani, eno pa züpuki ngo azükikhe ye qhaive tsü nani; tino pa kinibo lono akughupu thime kümtsü pewuve nani.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 4:27

Kughengu Ampeu no ishi piani, “Ayeghi kümtsü pighive niae, tishimu Ni ye qhoi kishekhave tsümo nani.

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

LESHELE 103:14

Kughengu Pa no kishi ningu lhopüani keno ithi ani; ningu ye ayeghimkhu kepi Pa no kümsülu ani.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

LESHELE 38:1

O Ampeu, O mlo kighide lono I sakiyi kevilo, momu O loghu lono I ghasü kevilo!

LESHELE 6:1

O Ampeu, O mlo kighide lono I sakiyi kevilo, O loghu lono I sakiyi kevilo.

JOB 23:6

Pa küka kumto kuloghi pesü Pa ye I sasü kuxuni keshea? Moe; Pa ye I lau amlotsüni che.

LESHELE 103:9

Pa ye alhokuthu sakiyi chemo, Pa ye alholo amloide chemoe.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

AKUMLO 3:31

Kughengu Ampeu ye pülhapuju milivemo nani,

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;