ISAIAH 27:10 - Sumi Naga CL (Re-edited) Bible (BSI)

¹⁰ Aliwo phughi ye yenguyi ani, ti ye pighive no asayeqha toivae; amishi no tile alokaqo mzachu ani.

BAIBEL (BSI)

¹⁰ Aliwo shipepuakeu phughiye ixapiniyi ani. Hiye timi kughunamove keu-a toi qhivae. Hiye amshino akulhoqhi puzu achukumza qha shiauvae.

ISAIAH 27:10 Referans Kwoze

ISAIAH 17:2

Aroer phughiqo ye pighive no achu kümza-a shive nani eno khunomu tipaqo hapupo monani.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

JEREMIYA 26:18

Moresheth lo Micah no Judah kükau Hezekiah ghuloki lono Judah lo timi kümtsü vilo tungkuptsa ishi pi: ‘aqokitikhi MPEU no ishi piani, “‘Zion ye alu toi hokide nani; Jerusalem kütsalepe amoqhe puku nani, achineki toghi ye aghasa shive nani.’

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

ISAIAH 17:9

Tipa tsala lo pano liwo kumto phughiqo ye inahuu pano puasüqo no ighi kelo ghasüghave eno naghuto kütsüqa lo akeqo no pighive keshi yenguyive nani.

EZEKEL 36:4

tighenguno, O Israel lo naghutoqo, Ampeu Alhou tsa inilo: Ampeu no naghutoqo ngo atoghiqo, aghokitiqo ngo akhilaqo, küghüküghalei akeqo ngo pighive keu mishighünaqo, khikhi shiye hokümxa lo akeqo no küthakügha shi ani keno tipaqo vilo ishi piani,

AKUMLO 5:18

Zion Toghi khikhi pighive akeno tüngtüghaqo no tile iqhoiqi ani.

AKUMLO 1:4

Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

ISAIAH 64:10

O kimthe phughiqo ye timi asayeqha toivae; Zion ye timi asayeqha toivae, Jerusalem ye küghüküghaleivae.

ISAIAH 25:2

Nono aphughi shipüsape atuli kughulhove tsü, aliwo akeu phughi kütsave tsü; inaghami kighiki pühave tsüke; aphughi ye khilemu shiqhekithe moae.

ISAIAH 7:25

Eno atoghi khipaqo hokidepe chiche keno, asahuli msake ghenguno kumono ti ye atsüaqu sala achu kümza-a shive nani kehu nongu ye tilau wumove nani.

ISAIAH 7:21

Tipa ghuloki lo timi no akushukulu amishi lakhi eno ane kini pighilu nani,

ISAIAH 32:19

Aghasü lo mürasü qipuku no aphughi kütsapinyive tsü namu,

ISAIAH 35:1

Yenguyi eno qhaike yeghi no alovi nani eno axamunu toi pule nani;

ISAIAH 49:21

Tileno nongu mlo lono pinani: ‘Khuu no ni ghenguno atianuli hijehi lhotsü kea? Ni ye amlo kighishi lo ache eno anuhami shiche, ni ye haphe sawuve kemi; ikemu khuu no hipaqo süghi kea? Julo, ni ye I likhi ake khilano hipaqo ighi kea?’”

JEREMIYA 25:37

Ampeu xukighide ghenguno iqünhei akeu loji ye kütsalevae.

JEREMIYA 52:27

Eno Babylon kükau no Hamath yeghi lo Riblah lono panongu heqhi pithive. Hitoi Judah ye pano yeghi lono haphe sawuve.

ISAIAH 24:10

Pighive keu phughi ye ilaqivae; aki alou ilomla kepushi khavae.