ISAIAH 26:3 - Sumi Naga CL (Re-edited) Bible (BSI)

³ O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

BAIBEL (BSI)

³ Khunoqono oshou kumsupuku acheni eno opukhupe acheni keno, no, AMPEU no alokiqi kuchou tsuke.

ISAIAH 26:3 Referans Kwoze

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

YEKIKITHI AKINIU 16:8

Ethiopiami ngo Libyami ye ghüshimi kihikha kümlapu shi akeu gholo khurkulu ngo khurshimi kutomo ake kumo keshea? Ikeghi nono Ampeu pükhü ke ghenguno Pa no tipaqo pesü o u lo sütsüke kumo keshea?

YEKIKITHI AKINIU 13:18

Judahmi no Israelmi mhoqhive, kughengu panongu no Ampeu pano puasü Lhou shou pükhübe ke.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

ISAIAH 48:2

Kughengu panongu ye akimthe phughi je lono kucheni, eno Israel Lhou qholo xücheni; Pa je ye aqokitikhi Mpeu.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

LESHELE 119:165

Khunono O yezah kimiye cheni keno aloino keu kije ani; kiu nomu pano pukhu küpxa lumo nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

ISAIAH 27:5

Tikumo aye panongu pelo Iw sükusho qholo ngolu pelo, iyei, pano pelo I sasü külashi pelo.”

ISAIAH 32:18

Iw timiqo no aloino, iqüghai akulhoqhilu keu, sükusho-a lo küghünauve nani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 42:19

I qeu nguno anhethi kighicheu khuu ani kea? I tsapeu nguno akini kughupou khuu ani kea? Iw kishekiphe nguno anhecheu khuu ani kea? momu Ampeu qeu nguno anhecheu khuu ania?

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

DANIEL 3:17

Tsala hipau shikepu shi aghi aye, ni Lhou khuu nino qe acheni keno Pa ye kuchughei keu miphoki lono ningu xaphelu nani eno o u lono ningu xaphe luve nani, O akükau.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 6:23

Ikehu akükau ye shishe alovive, eno Daniel ye abongshuu ki lono ikhipheve penike azah tsü. Tighenguno Daniel ye abongshuu ki lono ikhipheve, eno pa shou kiu ghüzaku mu ithulu moe, kughengu pa no pa Lhou shou pükhübe ke.

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

ISAIAH 32:17

Achipiu mikucho huno aloino keu, iqüghai keu eno alholo pükhükibe mlaphetsü nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

JEREMIYA 39:18

Kughengu I no kuchou no o xalu nani, no ye ghüyi lono womo nani, ikemu aghüshi lono aküxü pükhalu nani, kughengu nono I shou pükhübe ke, ipi Ampeu no sheshu.’”