ISAIAH 26:16 - Sumi Naga CL (Re-edited) Bible (BSI)

¹⁶ O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

BAIBEL (BSI)

¹⁶ Nono owu timiqo ghimeqhike, O AMPEU, eno panonguno amlo kughutashi ovilo khuinike.

ISAIAH 26:16 Referans Kwoze

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

HOSIYA 7:14

Panongu ye amlo tsüqhiyi I lau ighamku chemo ikemu pano lüpa lono igha cheni; athi eno aji ghenguno pano ampi ghüza cheni; panongu no I hebide chenie.

AKUMLO 2:19

“Putho hikuju kikili dolo, eno putho lo ithu ighamku lo! Ampeu zülo azü lephe ketoi o mlo lhephe lo! O tianuli khunoqo akhüava shi alaghila kümtsü lo thiqhi thiqhi ani keno, panongu küxü ghenguno Pa lau o u süqhelo.”

JEREMIYA 22:23

O Lebanon lo küxümiqo, Cedar kilo akeqo, topumi no apunu küsü sü aketoi nongu shou kushuküqha ikughi kelo kishi kimiye kepu shinani kela!”

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

LESHELE 142:2

I no I kumchho Pa zülo süghi; I no Pa zülo I veküsa pike.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

SAMUEL ATUGHIU 1:15

Ikemu Hannah no khochile, “Moe, I mpeu, ni ye aghungu lono ime akemi topumi lakhi ke. Ni ye khilemu atsaizü momu aji kümka yeju mphie, ikemu ni ye Ampeu zülo I ngulho süghi ani.

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

XAKUTHAMI 10:15

Ikemu Israelmi no Ampeu vilo pi, “Ningu no küsakügha shivae. Tighenguno Nono ni lau kiu shinishi ani keno shilo, ikemu kimiyeno ishi tsala lono ningu xaphelu tsülo.”

LESHELE 27:8

Nono pi, “I phuighi lo.” I mlo no O vilo piani, “I no O phuighi ani, Ampeu.”

LESHELE 77:3

Kughou I no Alhou kümsülu keno I no mloqae; I no kümsüputho kelo, I ghungu no aghüthi süve;

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

JEREMIYA 29:12

Tileno nongu no I ku ighi nani eno I vilo inikhu nani, eno I no nongu sütsa initsü nani.